The Online Froissart

Facsimile mode Settings Browse | Collate

pb 178 v

tous les jours a lui. Si y envoia le duc de
Bourgoingne son frere et grant foison de
chevaliers et escuiers en sa compaignie.
Et fist le dit duc son mandement et son
amas de gens d’armes en la cité de Chartres.
Si se partirent de la quant tous furent
assembléz et se trairent pardevers Marche
rainville I moult fort chastel que les
Navarrois tenoient. Et pour constraindre
mieux a leur aise le dit chastel, ilz firent
amener avec eulx pluseurs engins de la
cité de Chartres. Si estoient en la com
paignie du duc de Bourgoingne messire
Bertain Claquin, messire Bouciquaut
mareschal de France, le conte d’Aucerre,
messire Loÿs de Chalon, le sire de Beau
geu, messire Annemon de Pumiers, le sire
de Raineval, le Begue de Vilaines, messire
Nicole de Ligne maistre des arbalestiers
de France, messire Oudart de Renti, messire
Enguerran de Hedin et pluseurs autres bons
chevaliers et escuiers et estoient bien
VM combatans. Ilz se partirent en III
parties dont messire Bertain Claquin
a nulle combatans ala pardevers
Constantin et sur les marches de
Chierbourc pour garder la les frontieres
que les Navarrois ne feissent dommage
au paÿs de Normandie. Et estoient
en sa route messire de Sançuerre, le
conte de Jouy, messire Ernoul d’Andrehen
et grant foison de chevaliers et escuiers
de Bretaigne et de Normandie. L’autre
charge eut dessoubz lui messire Jehan
de la Riviere qui se party aussi de la
route du duc en sa compaignie grant
foison de chevaliers et escuiers de France
et de Picardie. Et entrerent ceulx en la
conté d’Evreux et vindrent seoir devant
un chastel que on dist Daquegny. Et
le duc de Borgoingne avec la plus grosse
partie vint seoir devant Marcherain
ville et l’environnerent de tous poins.
Et firent tantost drecier et asseoir les
engins pardevant qui gettoient nuit
et jour a la forteresce et durement
le constraingnoient.
SHF 1-525 sync Endementiers que ces gens
d’armes estoient ainsi en Biausse
et en Normandie et qu’il guerroient

forment les Navarrois et ennemiz du
royaume, estoit messire Loÿs de Navarre
frere maisné au roy de Navarre et aussi
a messire Phelippe qui fu, car ja estoit il trespassé
de ce siecle. Et lequel messire Loÿs avoit
enchargié le fes de la guerre pour le
roy son frere et avoit deffit le roy de
France pour ce que ceste guerre tou
choit au chalenge de leur heritage
si comme enformé estoit. Et avoit ras
semblé depuis la bataille de Cocherel
et rassembloit encore tous les jours
gens d’armes la ou il les pouoit avoir.
Si avoit tant fait par moyens et par
capitaines de compaignes dont encore
avoit ou royaume de France grant foison
qu’il avoit bien XIIC combatans en sa
route. Et estoient deléz lui messire
Robert Canolle, messire Robert Cein, messire
Robert Briquet et Carsuelle. Et estoient
ces gens d’armes qui tousjours croissoient
logiés entre la riviere de Loire et la
riviere d’Aillier et avoient couru une
grant partie du paÿs de Bourbonnois
environ Moulins, Auvergne, Saint
Pierre le Moustier et Saint Poursain.
De ces gens d’armes que messire
Loÿs de Navarre se condisoit se departi
une route de compaignons environ
CCC desquelx Bernart de la Sale et
Hortingo estoient conduiseurs et pas
serent Loire au dessus de Marcelli les
nouvaux. Puis chevaucierent tant
par nuit car de jour ilz se tenoient
es boys sans eulx moustrer, que sur
un adjournement ilz vindrent a la
Charité sur Loire, une grosse ville bien
fermee si l’eschiellerent et se bouterent
dedens. Et se tindrent en une place
voide qui estoit au léz ou ilz entrerent
sans aler plus avant car ilz cuidierent
que ceulx de la ville eussent fait em
busche et les attendissent. Et si tost
que ceulx de la ville sceurent que
les ennemiz estoient entréz, ilz empor
terent a effort leurrs meilleurs choses
es batiaux qui estoient sur la riviere
de Loire et y mistrent femmes et enfans.
Puis nagierent a sauveté devers la
cité de Nevers qui est a V lieues de pb 179 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.