Touteffois finablement ilz furent tant
aprésséz qu’ilz se rendirent sauve leurs
vies et leurs corps si se retrairent dedens
Chierbourc. Si refreschi le dit messire
Jehan le chastel de nouvelles gens. Puis
se trait a tout son ost pardevant la ville
et cité d’Evreux. Et estoient de sa charge
messire Hue de Chastillon, le sire de Kauny,
messire Mathieu de Roie, le sire de Montsaut,
le sire de Heli, le sire de Creseques, le sire de
Sempi, messire Oudart de Renti, messire
Engeurran de Hedin et autres bon chevaliers
et escuiers de France. Par dedens la cité
d’Evreux estoient pour la garder messire
Guillaume de Gauville, messire Logier d’Orgesi
qui trop bien en soingnierent. Si avoient
il souvent l’assaut mais ilz estoient bien
sur leur garde qu’ilz n’en faisoient nul
compte. SHF 1-527 sync Des forteresces que le duc de Bour
goingne prist en Beausse.
Endementiers que messire Jehan
de la Riviere et les dessus dis
barons et chevaliers de France seoient
devant la cité d’Evreux, le duc de Bour
goingne apressa si ceulx de Camerolles
qu’ilz se rendirent en la voulenté du duc.
Si furent pris a mercy tous les soudoiers
estrangiers mais aucuns pillars de la
nation de France qui la s’estoient boutéz
furent tous mors. La vindrent en l’ost
les bourgois de Chartres et prierent au
duc de Bourgoingne qu’il leur voulsist
donner pour le salaire de leurs engins
le chastel de Camerolles qui moult leur
avoit fait d’ennuis du temps passé. Le
duc leur accorda. Tantost ceulx de Char
tres mistrent ouvriers en oeuvre et
abatirent et raserent tout par terre le
dit chastel onques n’y laissierent pierre
sur pierre. Adont vint le duc devant
un autre chastel que on dist Drue, lequel
siet ou plain de Beausse et le tenoient
pillars. Et furent tous mors ceulz qui y
estoient dedens. Puis vint a un autre
fort que on dist Preux, de tous costéz l’en
vironnerent et livrerent maint assaut
ainçois qu’ilz le peurent avoir. Finablement
ceulx de Preux se rendirent sauves leurs
corps mais il couvint demourer en la pb 179 v