The Online Froissart

Facsimile mode Settings Browse | Collate

pb 188 r

sire de Mauny, messire Regnaut de
Gobehen, le sire de Persi, le sire de Nuef
ville et moult d’autres et aussi des prelas
l’evesque de Vincestre et l’evesque de Lon
dres. Si conseillierent longuement
sur les lettres du prince et la priere qu’il
faisoit au roy son pere. Puis firent
lettres notables et autentiques depar
le roy et son conseil d’Engleterre, au prince et
a tous les barons d’Acquitaine, si les
baillierent aux IIII chevaliers messages qui
les aporterent a Bourdeaux. Lors fu de
rechief un parlement assigne en la
cité de Bourdeaux et y vindrent tous
ceulx qui mandéz y furent. La furent
leutes generalment les lettres du roy
d’Engleterre qui devisoient comment il vouloit
que le prince son filz ou nom de Dieu et
de saint George empreist le roy Pietre
son cousin a remettre en son heritage dont
on l’avoit frauduleusement boute hors.
Et faisoient ces lettres du roy d’Engleterre
mention que moult il estoit tenu par
certaines aliances faites de jadis obligies
et encouvenancies entre lui et le roy
de Castille son cousin de lui aidier ou cas
quelle besoing touchoit et que priéz et
requiz en seroit. Et commandoit a tous
ses feaulx et prioit a ses amis que le
prince de Galles son filz feust aidies,
confortéz et conseilliés en toutes ces
besoingnes comme il seroit d’eulx se il y
estoit present. Et dont tous les barons
d’Acquitaine distrent : "Nous obeirons
au commandement du roy nostre sire mais
nous voulons savoir qui paiera noz
gaiges car on ne met mie gens hors
de leurs hostelz ainsi pour aler guer
roier en estrange paÿs." Lors dist le
prince : "Sire roy, vous oéz que noz gens
dient. A vous en est de respondre qui
les vouléz ensommer." Le roy respondy :
"Mon chier cousin, si avant que mon
or, mon argent et tout mon tresor que
j’ay amené pardeça, qui n’est pas si grant
de XXX fois comme cil de pardela, est
se pourra estendre, je le vueil donner a
voz gens." Le prince dist : "Vous dittes bien.
Et du seurplus j’en feray ma debte vers

eulx et delivrance et vous presteray ce
qu’il vous besoingnera jusques a ce temps
que nous serons en Castille." "Par mon chief,"
respondy le roy Pietre, "si me feréz grant
grace et courtoise." En ce parlement
regarderent aucuns sages le conte d’Ar
mignac, messire Jehan Chandos, le sire de
Pumiers, le Captal de Beus et autres que
le prince de Galles ne pouoit nullement
faire ce voiage sans l’acort et confort du
roy Charles de Navarre ne ilz ne pouoient
entrer ne aler en Espaigne fors par son
paÿs et les destrois de Roncevaux. Duquel
passage ilz n’estoient mie bien asseurs
de l’avoir car le dit roy de Navarre et le
le roy Henry avoient de nouvel faites
grans aliances ensemble. Et la fu lon
guement parlementé comment on s’en
pourroit chevir. Si fu dit que un parle
ment se feroit en la cité de Baionne de
toutes ces parties. Et la en dedens envoi
eroit le prince souffisans hommes et
traitteurs pardevers le roy de Navarre
qui lui prieroient ou nom du prince qu’il
voulsist estre a ce parlement en la cité
de Baionne. Ce conseil fu tenu et arresté
et suy ce se party le dit parlement. Et
eurent en couvent chascun d’estre a Ba
ionne au jour qui miz et ordonnéz y fu.
Si furent envoiéz messire Jehan Chandos
et messire Thomas Felleton lesquelx firent
tant devers le roy de Navarre a Pam
pelune que il leur seella a estre a ce
parlement. Et sur ce, ilz retournerent
devers le prince a qui ilz recorderent
ces nouvelles.
SHF 1-552 sync Au jour que ce parlement fu
assigné en la cité de Baionne, vin
drent le prince et le roy Pietre d’Espaigne,
le conte d’Armignac, le sire de Labrech
et tous les barons de Gascoingne, de
Poitou, de Caoursin, de Saintonge, de Roerge
et de Limosin. Et la fu le roy de Navarre
auquel le prince et le roy Pietre firent
moult d’onneur et de reverence. La fu
le parlement par V jours et ne fu mie
le roy de Navarre legier a entamer d’estre
de l’accort du prince et roy Pietre. Touteffois
le sens du prince l’amena a ce qu’il jura pb 188 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.