The Online Froissart

Facsimile mode Settings Browse | Collate

pb 193 r

estoient a pennon et dessoubz messire Jehan
Chandos et pouoient estre environ XM
chevaux et passerent tous le lundi.
SHF 1-563 sync Le mardy passerent le prince de
Galles et le roy Pietre et aussi le
roy de Navarre qui estoit revenuz devers
le dit prince pour lui acompiagnier et
enseignier le pasage. En la route du
prince estoient messire Loÿs de Harecourt,
viconte de Chastielerant, le viconte de
Rochouart, le sire de Pons, le sire de Partenay,
le sire de Puiane, le sire de Tannaibouton,
le sire d’Argenton et tous les Poitevins,
messire Thomas de Felleton grant seneschal
d’Acquitaine, messire Guillaume son frere, messire
Eustace d’Aubrechicourt, le seneschal de
Saintonge, le seneschal de la Rochelle, le
seneschal de Caoursin, le seneschal de
Limozin, le seneschal de Roergue, le seneschal
d’Aginois, le seneschal de Bigorre, messire
Richart de Pontchardon, messire Neel Lorinch,
messire Daguorisés, messire Thomas de Wette
val, messire Thomas Balastre, messire Loÿs de
Merval, messire Raimon de Moruel, le
sire de Pierebufiere et bien IIIIM hommes
d’armes et estoient environ XIIM chevaux.
Si eurent ce mardy moult dur passage
et estoient de vent et de neige. Touteffois
passerent oultre et se logierent toutes
ces gens d’armes en la comble de Pam
pelune mais le roy de Navarre amena
le prince de Galles et le roy Pietre en sa
cité de Pampelune au souper la les tint
tout aise et bien avoit de quoy.
SHF 1-564 sync Le mercredi passerent le roy Ja
mes de Maillorgues, le conte
d’Armignac, le sire de Labreth, son nepveu
messire Bernart de Labreth, le sire de Geronde,
le conte de Pierregort, le viconte de Quar
main, le conte de Commines, le Captal de
Beus, le sire de Cliçon, les III freres de
Pumiers messire Jehan, messire Helie et
messire Aimemon, le sire de Caumont, le
sire de Muchident, messire Robert Canolle,
le sire de Lespare, le sire de Rosem, le sire
de Condom, le Soudich de l’Estrade, messire
Petiton de Couron, messire Aimeri de
Tharse, le sire de Labarde, messire Bertran
de Taride, le sire de Pincornet, messire
Thomas de Wetefale, messire Perducas de

Labreth, le bourc de Bretuel, le bourc Camus,
Nandon de Bagerant, Bernart de la Sale,
Hortingo, Lamit et tout le remanant des
compaignes si estoient bien XM chevaux.
Et eurent un peu plus courtois passage
ce mercredi que n’eurent ceulx qui passerent
le mardy. Et se logierent toutes ces gens
d’armes premiers moiens seconds et tiers
en la comble de Pampelune en attendant
l’un l’autre et en refreschissant eulx et
leurs chevaux. Et se tindrent la environ
Pampelune pour tant qu’ilz y trouverent
largement a vivre, pain, chair, vin et
autres pourveances pour eulx et leurs
chevaux jusques au dimenche ensuivant.
Si vous dy que ces compaignes ne paioient
mie tout ce que on leur commandoit et ne
se pouoient tenir de pillier et de prendre
ce qu’ilz trouvoient. Et firent environ
Pampelune et aussi sur leurs chemins moult
de destourbiers, par quoy le roy de Navarre
se repenty de ce qu’il avoit au prince
administré le passage car plus y avoit
de dommage que de proufit.
SHF 1-565 sync De la lettre que le roy Henry d’Espaigne
envoia au prince de Galles.
Bien estoit enformé le roy Henry
du passage le prince car il avoit
ses messages et espies alans et venans.
Si s’estoit pourveuz et se pourveoit tous
les gros grossement et avoit fait un
tres especial commandement par tout le
royaume de Castille a tous ses feaulx et
ses subgiéz que, sur perdre la teste, chascun
selon son estat a pié et a cheval venist
a lui pour aidier a defendre son royaume.
Ce roy Henry estoit durement améz si
estoient venuz et venoient tous les jours
efforciement. Et avoit le dit roy a Saint
Dominique ou il s’estoit logiés plus
de LXM hommes qu’a pié qu’a cheval.
Tous appareilliés de faire sa voulenté et
de vivre et mourir s’il couvenoit.
SHF 1-566 sync Quant le roy Henry eut oy les
certaines nouvelles que le prince
de Galles a son grant effort avoit passé
les destrois de Roncevaux et approchoit
durement. Si dist tout hault : "Ou prince
de Galles a vaillant et preux chevalier,
et pour ce qu’il sente que c’est sur mon pb 193 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.