The Online Froissart

Facsimile mode Settings Browse | Collate

pb 19 r

De messire Robert d’Artois.
L’omme du monde qui plus aida le roy
Phelippe a parvenir a la couronne de
France et a l’eritage, ce fu mesire Robert d’Ar
tois, qui estoit l’un des plus hauls barons de
France et le mieulx enlinagiés et extrais
des royaux, et avoit a femme la suer germaine
du dit roy Phelippe et avoit toudis esté son
plus especial compaignon et amy en tous
estas, et fu bien l’espace de III ans que en
France estoit par lui tout fait et sans lui n’estoit
riens fait. Aprés avint que le roy Phelippe em
prist et acueilla ce monseigneur Robert d’Artois
en si grant hayne pour l’achoison d’un plait
qui esmeu estoit devant lui, dont la conté
d’Artois estoit cause que le dit mesire Robert
vouloit avoir gaingnié par la vertu d’une
lettre que mesire Robert mist avant qui n’estoit
mie bien vraye, si comme on dist, que se le dit
roy l’eust tenu en son haïr, il l’eust fait mou
rir sans nul remede. Et comme le dit mesire
Robert fust le plus prouchain de lignage
a tous les hauls barons de France et serourge
au dit roy, si lui couvint il vuidier France
et venir a Namur deléz le joenne conte
Jehan, son nepveu et son frere, qui estoient
enfans de sa suer. Quant il fu party
de France et le roy vit qu’il ne le pourroit
tenir, pour mieux moustrer que la besoigne
lui touchoit, il fist prendre sa suer qui
estoit femme au dit monseigneur Robert et ses
II filz ses nepveus, Jehan et Charles, si les
fist mettre en prison bien estroitement
et jura que jamais n’en ystroient tant
qu’il vivroit, et bien tint son serement car
onques puis pour personne qui en parlast
ilz n’en vuidierent, dont il en fu depuis
moult blasméz en derriere. Quant le dit
roy de France sçot de certain et fu enforméz
que messire Robert d’Artois estoit arrestéz
deléz sa suer et ses nepveus, il en fu moult
courroucié et envoia chaudement devers
l’evesque Raoul de Liege en priant qu’il
deffiast et guerroiast le conte de Namur
s’il ne mettoit mesire Robert d’Artois ensus
de lui. Cel evesque, qui moult amoit le roy
de France et qui petit doubtoit ses voisines,
manda au joenne conte de Namur qu’il
meist son oncle mesire Robert d’Artois hors

de son paÿs et de sa terre. Autrement il
lui feroit guerre. Le conte de Namur fu
si conseillié qu’il mist hors de sa terre son
oncle, ce fu moult a enviz mais faire
lui couvenoit ou pis attendre. Quant
mesire Robert se vit en ce party, si fu moult
angoisseux de cuer et s’avisa qu’il yroit
en Braibant pour tant que le duc son
cousin estoit si puissant que bien le sous
tenroit. Si vint devers le duc son cousin
qui le reçut moult liement et le reconforta
asséz de ses destourbiers. Le roy le sçot, s’y
envoia tantost messages au duc et lui man
da que s’il soustenoit ou souffroit a de
mourer ne a repairier en sa terre, il n’aroit
pieur ennemi de lui, et le greveroit en
toutes les guises qu’il pourroit. Le dit
duc ne le voult ou n’osa plus soustenir
ouvertement en son pouoir, pour doubtance
que de acquerre la hayne du dit roy de
France. Ains l’envoia couvertement
tenir en Argentueil jusques a tant que
on verroit comment le roy s’en maintenroit.
Le roy le sçot, qui partout ot ses espies, et
en ot grant despit, si pourchaça tant
et en moult brief temps aprés par son
or et par son argent, que le roy de Behai
gne, qui estoit sousin germain au dit duc,
l’evesque de Liege, l’arcevesque de Couloigne,
le duc de Guerles, le marquiz de Julliers,
le conte de Bar, le conte de Los, le sire de
Fauquemont et pluseurs autres seigneurs,
furent tous aliéz encontre le dit duc et le
deffierent tous au pourchas et requeste
du dit roy. Et entrerent tantost en son paÿs
parmy Esbaing et en alerent droit a Hanut
et ardirent a leur voulenté par II fois
demourans ou paÿs tant que bon leur sembla,
et envoia avec eulx le dit roy le conte d’Eu,
son connestable, atout grant compaignie
de gens d’armes pour mieux moustrer
que la besoingne estoit sienne et faite a son
pourchas. Si aloient tout ardant le paÿs
du duc. Si en couvint le conte Guillaume de
Hainau ensonnier et envoia madame sa
femme, suer au roy Phelippe, et le seigneur de
Biaumont, son frere, en France pardevers
le dit roy pour empetrer une souffrance et
une treve de lui d’une part et du duc de
Breban d’autre. Trop a envis et a dur y descendy pb 19 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.