The Online Froissart

Facsimile mode Settings Browse | Collate

pb 202 r

en voz franchises et libertéz." Ces barons
de Gascoingne demourerent a Paris vers
le roy sans eulx retourner en leur paÿs.
De quoy le prince ne se contentoit mie
bien et tousjours perseveroit sur l’estat
de ce fouage. Messire Jehan Chandos qui
estoit l’un des grans de son conseil et moult
vaillant et sage chevalier eust voulentiers
veü que le prince se deportast de ceste op
pinion mais quant il vit que point n’en
venroit a chief. Afin qu’il n’en feust en
couple, il prist congié du prince et ex
cusance d’aler en Normandie en la terre
de Saint Sauveur le Viconte dont il estoit
sire pour la visiter car point ny avoit
este depuis III ans et la sejourna plus
d’un an. Et toudiz procedoit le prince
sur ce fouage car ses consauls qui a
ce tiroient lui remoustroient que se
ilz pourroient exploitier, il vaudroit
par an XIIC mille frans pour paier
tant seulement sur chascun feu I franc
et le fort porter le foible.
SHF 1-595 sync Comment le paÿs d’Espaigne se tour
na devers le roy Henry seconde fois.
La plus grant partie de l’estat et
de l’afaire du prince savoient
les roys voisins telz que le roy d’Arragon
et le roy Henry car a ce mettoient grant
cure. Le roy Henry prist congié du roy
Pietre d’Arragon en la grant cité de
Valence et se partirent en sa compaignie
du royaume d’Arragon le conte de Roke
bertin et le viconte de Rodes et furent
bien IIIM hommes a cheval et VIM de pié
parmi aucuns Genevois qui la estoient
en soudees. Si chevaucierent jusques
a la cité de Burges. Les citoiens d’icelle
receurent tantost le roy Henry a seigneur,
lequel vint de la ou Val d’Olif. Quant
ceulx d’icelle ville sceurent que la cité de
Burges s’estoient rendue, si recueillierent
aussi le roy Henry a seigneur comme ilz
avoient jadis fait. Si tost que le roy
Henry fu entréz en la ville, il ala devers
le roy James de Maillorgues et vint
en la chambre ou il gisoit encore tout
pesant de sa maladie. Lors lui dist le roy
Henry ainsi : "Roy de Maillorgues, vous
avéz esté nostre ennemy, vous estes mort se ne vous

rendéz prisonnier." Le roy de Maillorgues, qui
vit que defence ny valoit riens, dist : "Sire,
je sui mort voirement se vous vouléz. je me
rens a vous et non a autrui et se vous me
vouléz mettre par quelle condition que ce
soit en autres mains que es vostres, si le dictes
car mieux ameroie a mourir que estre remiz
es mains de mon adversaire le roy d’Arragon."
Le roy Henry respondi : "Nennil, car je ne
vous feroie pas loyauté et si seroit gran
dement ma deshonneur. Vous demourréz
mon prisonnier pour quitter et raençonner
se je vueil." Ainsi fu pris et serementé le roy
de Maillorgues du roy Henry, qui mist sur
lui ou Val d’Olif grans gardes pour plus
especialment garder. Puis chevauça le roy
Henry devers la cité de Lion en Espaigne, qui
tantost se ouvry contre lui quant ilz oirent
dire qu’il venoit celle part.
SHF 1-596 sync Quant la ville et la cité de Lion en
Espaigne se fu rendu au roy Henri
tout le paÿs de la marche de Galice se com
menca a tourner. Et vindrent au roy Henri
pluseurs hauls seigneurs et barons qui
avoient fait hommage au roy Pietre, lequel
ilz ne pouoient amer pour les griestéz qu’il
leur avoit fais jadis et doubtoient qu’il ne
feist encore. Et le roy Henry leur avoit esté
doulz et amiable et leur promettoit bien
a faire et pour tant se traioient tous devers
lui. Encore n’estoit mie messire Bertrain
Claquin venu mais il approuchoit durement
avec IIM combatans et estoit parti du duc
d’Angiers qui avoit acheve sa guerre en
Prouvence. Si estoient avec le dit messire
Bertrain aucuns chevaliers et escuiers
de France qui desiroient les armes et
estoient ja entréz en Arragon et chevau
çoient forment devers le roy Henry, qui
avoit miz siege devant Thoulette. Le roy
Pietre, qui se tenoit es marches de Sebille et
de Portugal, quant il sceut comment le paÿs
se tournoit devers son frere le bastart et
que les barons de Castille le relenquissoient,
si dist et jura qu’il en prendroit si cruelle
vengence qu’il seroit exemple a tous autres.
Si fist tantost I mandement et commande
ment par tout la ou il esperoit avoir aide
et service, si manda et pria telz qui point
ne vindrent et s’excuserent au mieux qu’ilz pb 202 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.