The Online Froissart

Facsimile mode Settings Browse | Collate

pb 211 v

par Thouraine et partout ou ilz conver
soient, le paÿs estoit contourne en grant
tribulation. Ne nul ne leur aloit au
devant car ilz estoient si fors qu’ilz tenoient
les champs. Et entrerent ces seigneurs
poitevins en la terre du seigneur de
Chauvegny qui estoit tourné François,
si l’exillierent toute horsmiz les forteresses
et vindrent devant sa maistresse ville
de Bruese si l’assegierent et assaillirent
un jour entier mais riens ny conquistrent.
Lors alerent logier et distrent qu’ilz ne s’en
partiroient mie ainsi et quelle estoit bien
prendable. Si se leverent au point du jour
et se armerent, puis sonnerent leurs trom
pettes d’assaut dont approuchierent ces
Poitevins et ces Englois et se mistrent en
ordonnance par connestablies. La eut
par un samedi grant assaut et bien con
tinue. Ceulx dedens se defendirent forment
car ilz savoient que c’estoit sur leurs vies.
Les seneschaux de Poitou et d’Auvergne
faisoient leurs archiers traire si onnie
ment que a paine s’osoit nul moustrer
aux garites. Tant fu trait lancié et escar
muchié que la porte fu gettee par terre.
La furent pris les hommes d’armes du
viconte, si en firent les seigneurs de l’ost
pendre jusques a XVI en leurs armeures
ou despit du viconte qui estoit a Paris. Et
fu toute sa ville courue et robee et perdirent
les habitans tout le leur. Encore en y eut
foison de mors de noyéz. Puis retournerent
les Englois et leurs routes a Poitiers pour
eulx mieux a leur aise refreschir.
SHF 1-622 sync Comment messire Jehan Chandos prist
la ville de Montsach.
Messire Robert Canolle, qui se tenoit
en Bretaigne ou il avoit grant et
bel heritage et qui toudiz avoit esté bon et
loyal Englois, proposa en ce temps qu’il
yroit servir le prince de Galles a ses propres
dispens, si manda tous ses feaulx et pria
ses amis et eut LX lances et autant
d’archiers si fist sa pourveance sur mer
en quatre grossez nefs en une ville de Bretaigne
et port de mer que on appelle Kout. Puis
entra en son vaissel et ses gens es leurs
et siglerent tant au vent et aux estoilles

qu’ilz arriverent au kay en La Rochelle.
Messire Jehan d’Evreux cappitaine de La
Rochelle fist toute la compaigne qu’il
peut a messire Robert qui la se refreschi II
jours. Puis exploita tant qu’il vint en
la cité d’Angoulesme devers le prince qui
tantost le fist souverain de tous ses chevaliers
et escuiers d’ostel. Quant messire Robert
Canolle eut esté V jours deléz le prince et
il sceut quelle part il trairoit, il s’en parti
bien acompaignié de messire Richart de
Montchardon, messire Estienne de Gonsenton,
messire Dagorisse, messire Neel Lorinch, messire
Guillaume Troussel, messire Hugue de Hastingues,
messire Jehan de Trivés, messire Thomas le
Despensier, messire Richart Tanton, messire
Thomas de Welkefare, messire Thomas
Balastre, messire Nicolas Bonde, messire Guillaume
le Monne seneschal d’Aginois, messire
Boudouin de Fraiville et plus de LX
chevaliers, si estoient environ VC hommes
d’armes et VC archiers et autant de
brigans, en grant voulenté de trouver
les François et combatre. Si chevaucierent
devers Agem pour venir en Caoursin
ou les compaignes se tenoient. Quant
ilz vindrent en la cité d’Agen, si se re
freschirent la un petit pour entendre
des ennemiz. Endementiers messire Robert
Canolle envoia heraux et messages
pardevers messire Perducas de Labreth,
qui estoit un grant cappitaine des com
paignes et en avoit plus de IIIC en sa
route, lequel par le pourchas du duc
d’Angiers estoit tourné François. Et fist
tant le dit messire Robert que sur sauf
conduit messire Perducas vint parler a
lui sur les champs. Tant prescha messire
Robert soutivement que messire Perducas
retourna Englois et toutes ses gens. Et
retournerent adont des compaignes
gascoings plus de VC, dont les François
resongierent plus grandement les
Englois.
SHF 1-623 sync Ces nouvelles vindrent en la cité
de Caours aux autres compaignes
a Annemon d’Ortige, au Petit Meschin, a
Jaquot de Bray, a Perrot de Savoie et a
Ernaudon du Paus, lesquelx considererent pb 212 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.