The Online Froissart

Facsimile mode Settings Browse | Collate

pb 219 v

la environ. Car il les avoit hantéz plus
de III ans, si s’estoit venu bouter sur aven
ture de gaingnier et non de perdre en une
rue pres de Rouvroy et avoit passé un
petit rieu qui queurt parmy I maréz
et s’estoit miz en embusche en vieilles
maisons non habitees qu’il trouva la
toutes descloses. Es vous chevauçant par
la messire Hue de Chastillon armé de toutes
pieces horsmiz son bacinet que I page
portoit sur un couriser deléz lui. Quant
messire Nicole de Louvaing le vit qui bien
le congneut, il n’eust mie esté si liéz qui
lui eust donné XXM frans. Lors sailli hors
de son embusche son coursier point des
esperons sa lance abaisse et vint sur le
dit messire Hue escriant : "Rens toy, Chas
tillon, rens toy ou tu éz mors." Monseigneur Hue
de Chastillon n’eut loisir de mettre son ba
cinet ne de monter sur son coursier, si
dist : "A qui me renderay je?" Messire Nicole
lui respondy: "A Louvaing, a Louvaing." Et
cil pour eschiver le peril et qui ne pouoit
fuir le peril dist : "Je me rens." Dont fu il
pris et saisiz. Et lui fu dit : "Chevauciés
tantost avec nous, veéz cy la route du
duc qui passe par cy devant." A celle em
painte fu la occiz un bourgois d’Abbeville
appelle Lorens d’Autels de celle prise eut
le duc de Lencastre grant joie et aussi
eurent tous les Englois.
SHF 1-643 sync Moult furent les gens d’Abbeville
et les amis de monseigneur Hue de Chas
tillon courrouciés de sa prise. Or che
vaucierent les Englois et passerent la
riviere de Somme a la Blanchetaque. Puis
monterent devers la ville de Rue sur mer.
Aprés vers Monstruel et firent tant par
leurs journees qu’ilz rentrerent en la
ville de Calais. La donna le duc de Len
castre congié a tous les estrangiers et
se departirent de lui messire Robert de
Namur et ses gens messire Waleran de
Borne et tous les Alemans. Si retourna
le duc de Lencastre arriere en Engleterre
et les Alemans en leur paÿs. Et n’avoient
mais entention de guerroier jusques
a l’esté car ja estoit aprés la Saint
Martin en yver mais au nouvel temps
avoit dit le duc de Lencastre aux Alemans

qu’il repasseroit la mer plus efforciement
qu’il n’avoit fait et prieroit ses cousins
le duc de Guerle et le duc de Julliers
et feroient une grant arme en France.
SHF 1-644 sync La mort du gentil chevalier mon
seigneur Jehan Chandos.
Trop touchoit et ennvioit au
cuer la prise de Saint Salvin
a messire Jehan Chandos qui estoit
seneschal de Poitou et mettoit grant
ymagination pour le ravoir feust
par embler ou eschieller, il n’avoit
cure comment et pluseurs fois en fist des
embusches de nuit et a toutes failloit.
Car messire Loÿs de Saint Julien qui
le gardoit en estoit durement soigneux.
Or avint ainsi que la nuit avant la
nuit de l’An, Chandos, qui se tenoit en
la cité de Poitiers, avoit fait une semonce
secretement. Les Poitevins y estoient
venuz qui moult l’amoient, c’est assavoir
Guichart d’Angle, Loÿs de Harecourt, le
sire de Pons, le sire de Partenay, le sire
de Puisances, le sire de Tannaibouton,
le sire de Puiane, Gieufroy d’Argenton,
Mauburin de Livieres, Thomas de
Persi, Baudouin de Frauville, Richart
de Pontchardon chevaliers et pluseurs
autres. Quant ilz furent tous assembles,
ilz estoient bien IIIC lances. Si se
partirent de nuit de Poitiers et ne
savoient excepté les seigneurs ou on
les menoit. Et avoient les Englois
leurs eschielles et tout leur harnois
pourveu. Quant ilz vindrent au
dit lieu si furent tous enforméz de
leur fait. Lors descendirent de leurs
chevaux et les baillierent a leurs
garçons, si entrerent es fosséz et estoit
environ heure de mienuit. En cel
estat ou ilz estoient et que briefment
ilz feussent venuz a leur entente, ilz
oirent la guette du sort qui corne, je
vous diray pourquoy. Celle propre
nuit estoit partiz de la Roche de Ponsoi
Karenloet a XL lances et venoit a
Saint Salvin querre messire Loÿs de
Saint Julien pour chevaucier en Poitou,
si resveilla la guette ceulx du fort.
Or cuidierent les Englois estre appceuz pb 220 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.