The Online Froissart

Facsimile mode Settings Browse | Collate

pb 21 r

que on lui avoit fais, et que le roy englois
se fust partiz d’Escoce a quelque meschief que
ce fust et retrais vers Londres. Si que ces pa
roles et pluseurs autres enclinerent grande
ment le roy a ce que le traittié de Bervich se
passa. Et furent les treves accordees de ceulz
de hors a ceulz dedens, le mois tout acompli.
Et le signifierent ceulz de Bervich a ceulz de
leur costé bien et a point au roy d’Escoce leur
seigneur et a son conseil, qui ne porent veoir
ne ymaginer voie ne tour qu’ilz fussent fors
pour combatre le roy englois, ne lever le
siege. Si demoura la chose en tel estat, et fu
la cité de Bervich rendue au chief du mois
au roy englois et aussi le chastel, qui est
moult bel et moult fort au dehors de la
cité, et en pristrent les mareschaux de l’ost
la saisine et la possession depar le roy englois,
et vindrent les bourgois de la cité en l’ost
faire hommage et feaulté au dit roy, et
jurerent et recongneurent a tenir la cité
de Bervich de lui. Aprés y entra le roy a grant
solempnité de trompes et de nacaires et y
sejourna depuis XII jours, et y establi un
chevalier a gardien et a souverain, qui se
appelloit Edouart de Bailleul. Et quant il
se party de Bervich, il laissa avec le dit chevalier
pluseurs joennes chevaliers et escuiers pour
garder la terre conquise sus les Escos et les
frontieres d’icellui paÿs. Si s’en retourna
le roy vers Londres et donna a toutes manieres
de gens congié, et s’en rala chascun en son
lieu et il meismes s’en revint a Windesore
ou le plus voulentiers se tenoit, et mesire
Robert d’Artois deléz lui, qui ne cessoit nuit
ne jour de lui remoustrer quel droit il
avoit a la couronne de France, et le roy y
entendoit voulentiers. SHF 1-53 sync Des Englois que le
roy Edouart establi pour garder Escoce.
Ainsi ala en ce temps de la chevauciee
du roy englois sus les Escos, il gasta
et exilla la plus grant partie de leur paÿs
et y prindrent pluseurs fors que ses gens
obtindrent sur les Escos depuis un grant
temps, et principalment la bonne cité de
Bervich. Et estoient demouréz depar le roy
englois pour tenir les frontieres plusieurs
appers bachelers, chevaliers et escuiers, entre lesquelz
mesire Guillaume de Montagu et mesire Gautier de
Mauny en font bien a ramentevoir. Car de

la partie aux Englois ces deux en avoient
toute la hue et faisoient souvent sur les
Escos des hardies chevauciees, des meslees
et des hustins, et par usage le plus ilz gai
gnoient sur eulz, dont ilz acquistrent grant
grace devers le roy englois et les barons
d’Engleterre. Et pour mieux avoir leurs entrees
et leurs yssues en Escoce et a maistrier le
paÿs, mesire Guillaume de Montagu, qui fu appert,
hardy et entreprenant chevalier, durement
fortefia la bastide de Rosebourch sus la mar
che d’Escoce et en fist un bon chastel pour tenir
contre tout homme. De quoy le roy englois
lui sçot grant gre, et acquist si grant renommee
et si grant grace en ses entreprises du roy
Edouart que le roy le fist conte de Salebery
et le maria moult haultement et tresnoblement.
Aussi fist messire Gautier de Mauny, qui devint
en ses chevauciees chevalier et fu retenu du plus
secret conseil du roy et moult avancié en
sa court, et fist depuis le dit mesire Gautier
tant de belles appartises et de grans fais
d’armes, si comme vous orréz avant en l’istoire,
que le livre est moult renluminé de ses
prouesces. Bien est voir que aucuns chevaliers
d’Escoce faisoient souvent ennuy aux Englois
et se tenoient toudiz pardevers le sauvage
paÿs d’Escoce entre grans maréz et grandes
hautes forestz. La nul ne les pouoit suir, et
suioient a la fois les Englois de si pres que
tous les jours y avoit poingneis ou hustin.
Et toudiz mesire Guillaume de Montagu et mesire
Gautier de Mauni, adont nouvel chevalier, y estoient
renomméz pour les mieux faisans et les plus
aventureux. Et y perdy a ces poigneis
et hustins le dit mesire Guillaume, qui estoit hardy
et dur chevalier merveilleusement I oeil par
ses hardies entreprises. En ces grans marés
et en ces grans forestz, la ou ces seigneurs
d’Escoce estoient lors, s’estoit jadis le roy Robert
d’Escoce tenu par pluseurs fois quant le roy Edo
uart, aiol a celui dont nous parlons presentement,
l’avoit desconfit et conquiz tout son royaume
d’Escoce, et pluseurs fois fu il menéz et sy
dechacié qu’il ne trouvoit nullui en son roy
aume qui l’osast herbergier ne soustenir en
chastel, ne en forteresce, pour la doubtance
de ce roy Edouart qui avoit si nettement
conquiz toute Escoce, qu’il n’y avoit ville,
chastel ne forteresce qui n’obeist a lui. Et quant pb 21 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.