The Online Froissart

Facsimile mode Settings Browse | Collate

pb 226 v

furent arrestéz un petit devant les
bailles et ilz virent que nul instroit
contre eulx, ilz se mistrent au retour
avec leurs compaignons qui les at
tendoient en une grosse bataille rengee
et ordonnee sur les champs. Mais au
partir, ilz bouterent les feux es fors
bours d’Arras pour attraire hors ceulx
de la ville qui nulle volente n’en avoient.
Lequel feu fist grant dommaige car
il ardy un grant monastre et cloistre
des Freres Prescheurs et tout ce qui
estoit au dehors de la ville. Aprés che
minerent les Englois vers Papaumes
et exploitierent tant par leurs journees
qu’ilz entrerent en Vermendois. Si
vindrent a Roie, si ardirent la ville.
Puis passerent oultre vers Hen en
Vermendois. La avoient atrait ceulx
du paÿs et aussi a Saint Quentin, a
Peronne et a Noion tout le leur pour
quoy les Englois ne trouvoient riens
fors les granches plaines de bles, car
c’estoit aprés aoust. Si chevaucierent sans
eulx lasser II ou III lieues le jour. Et
quant ilz trouverent une grasse marche,
ilz y sejournerent II jours ou III. Et
envoioit monseigneur Robert Canolle ses mares
chaux courir devant une ville ou un
chastel qui estoient chief du paÿs en
viron. Et parloient les mareschaux
aux cappitaines sur asseurances en
disant : "Combien donréz vous en
deniers appareilliés pour ce paÿs de
cy environ et nous le respiterons de
ardoir et courir vilainement." La se
composoient sur certains traittiés et
ordonnances les plas paÿs a messire
Robert et paioient une quantité de
florins et parmy ce eurent respit d’ar
doir. Et prouffita le dit messire Robert
en ce voiage par ceste ordonnance de
la somme de CM frans. Touteffois la
terre du seigneur de Coucy demoura
toute en paix ne onques les Englois
n’y forfirent a homme ne a femme qui
y feust ne qui deist tant seulement :
"Je sui a monseigneur de Coucy", qui vaulsist
un denier. Et s’il y estoit pris ou leve, il

estoit rendu au double. SHF 1-659 sync D’une grant
appertise d’armes que messire Jehan As
neton d’Escoce fist a Noion.
Tant exploitierent les Englois qu’ilz
vindrent devant la cité de Noion
qui bien estoit pourveue de gens d’armes.
Si l’approuchierent de moult pres et
l’aviserent bien se nul assault leur
pourroit valoir, si la trouverent bien
breteschee et garitee pour defendre.
Messire Robert Canolle se loga en l’abbaie
d’Oskains et ses gens la environ. Et
vindrent un jour devant la cité rengiés
par maniere de bataille pour savoir
se ceulx de la garnison et la commu
naute instroient point mais ilz n’en
avoient nulle voulenté. La eut un
chevalier d’Escoce, Jehan Asneton avoit
nom, qui se party de son conroy, son
glaive en son poing, monte sur son
coursier, son page derriere lui. Et brocha
des esperons tout contreval la mon
taigne si fu tantost devant les bar
rieres de Noion. Lors mist pié a terre
et dist a son page : "Ne te pars de cy"
et prist son glaive en ses mains et
vint jusques aux bailles. Si s’escueilla
et sailli oultre par dedens les barrieres.
La avoit des bons chevaliers du paÿs
messire Jehan de Roye, messire Drues de
Roie, messire Lancelot de Lorris et bien
X ou XII autres qui furent tous
esmerveillies qu’il vouloit faire. Non
pourquant ilz le recueillirent
bien et faiticement. La dist le chevalier
escot : "Seigneurs, je vous vieng veoir
vous ne daigniés yssir hors de voz
barrieres. Et je y deigne bien entrer,
je vueil esprouver ma chevalerie a
la vostre et me conqueréz se vous
pouéz." Aprés ces mos, il getta et
lança grans coups a eulx de son glaive
et eulx a lui des leurs. Et furent en
cel estat il tout seul sur eulx escarmu
chans et faisans moult de prouesces
plus d’une heure et navra deux des
leurs. Et prenoit si grant plaisance
a lui la combatre qu’il sentre oublioit.
Et le regardoient les gens de la ville pb 227 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.