The Online Froissart

Facsimile mode Settings Browse | Collate

pb 227 r

de la porte et des garites a grant merveille.
Et lui eussent porté du tret grant dom
mage s’ilz voulsissent mais nennil car
les chevaliers françois leur defendirent.
Tant fu en cel estat que son page vint
sur son coursier moult pres de bailles
qui lui dist tout haut en son langaige :
"Monseigneur, partéz vous. Il est heure, noz gens
se partent." Le chevalier qui bien l’entendi
s’appareilla sur ce et lança depuis III
coups. Et quant il eut fait, il prist son
glaive et se relança a l’autre léz sans
nul dommage. Et tout armé qu’il estoit,
il se getta sur son coursier derriere son
page. Puis dist aux François : "Adieu,
adieu, seigneurs, grant merciz." Lors
brocha des esperons et fu tantost a ses
compaignons. Laquelle appertise
d’armes de monseigneur Jehan Asneton fu
durement prisee de toutes gens.
SHF 1-660 sync Messire Robert Canolle a son depar
tement qu’il fist de la marche
de Noion, ses gens ardirent la ville du
Pont l’Evesque sur la riviere d’Oise ou
il avoit grant foison de bons hostelz.
Les chevaliers et escuiers qui estoient
en la cité de Noion eurent grant des
plaisir de ce feu et entendirent que
messire Robert et sa route estoient partiz
et retrais. Si vuidierent de la cité en
viron LX lances et vindrent encore
si a point en la ville du Pont l’Evesque
qu’ilz trouverent ceulx qui le feu y
avoient boute et des autres aussi qui
estoient demouréz derriere pour entendre
au pillaige. Si furent resveillies de
grant maniere car la plus grant
partie en furent occiz sur la place et
y gaingnierent les François plus de
XL chevaux et si rescoustrent pluseurs
prisonniers qu’ilz en bouloient mener
et aussi pluseurs hostelz qui encore feussent
ars, s’ilz ne feussent venuz si a point
et ramenerent en Noion XV prisonniers
englois, ausquelx on couppa les testes.
Or chevaucierent les Englois en
leur ordonnance et monterent amont
pour venir en Laonnois et pour passer
a leur aise la riviere d’Oise et aussi ceste

d’Esne, si ne forfirent riens a la terre ne
la conté de Soissons pour tant quelle ostoit
au seigneur de Coucy. Bien est verité
qu’ilz estoient poursuiviz et costoiéz d’au
cuns seigneurs et chevaliers de France,
telz que du conte Guy de Saint Pol, du
viconte de Meaux, du seigneur de Kauni,
de messire Raoul de Coucy, de messire Jehan
de Meleun filz au conte de Tancarville
et de leurs gens. Par quoy les Englois
bonnement ne s’osoient point desrouter
mais se tenoient ensemble. Et aussi les
François ne se feroient point entr’eulx
mais se logoient tous les soirs es fors
et es bonnes villes. Et les Englois sur
le plat paÿs qui trouvoient asséz a vivre
de ces nouveaux vins, dont ilz faisoient
grant largesce et chevauçoient ainsi
tant ardant exillant et raençonnant
le paÿs qu’ilz passerent la riviere de
Marne et entrerent en Champaigne
et puis la riviere d’Aube et retournerent
en la marche de Prouvins. Et passerent
et rapasserent par pluseurs fois la riviere
de Saine. Et tiroient a venir devant la
cité de Paris car on leur avoit dit que
le roy avoit la fait I grant mandement
de gens d’armes, desquelx le conte de
Saint Pol et le sire de Cliçon devoient
estre chiefs. Si desiroient moult les
Englois a eulx combatre par semblant.
Et pour ce le roy de France escript a
messire Bertrain Claquin qui estoit en Ac
quitaine en la route du duc d’Angiers
que ses lettres veues, il se retraist en
France car il le vouloit ensomner autre
part. En ce temps revint en la cité
d’Avignon pape Urbain Ve, qui avoit
demouré a Rome et la environ IIII
ans. Et revint en instance de ce que pour
regarder comment paix se pourroit
faire entre les deux roys. De la reve
nue du dit pape et de tous les cardinaux
furent la cité d’Avignon et la marche
d’environ moult resjoiz car ilz en peu
soient a valoir mieulx. Comment les
ducs d’Anjou, de Berry et de Bourbon se
departirent atout leurs ostz d’Acqui
taine. pb 227 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.