The Online Froissart

Facsimile mode Settings Browse | Collate

d’Aragon la prindrent, et grant foison de ducs, de
contes, de barons et de chevaliers qui la estoient,
et aussi IIII cardinaux, le cardinal de Naples,
le cardinal de Pierregort, le cardinal Blanc et
le cardinal d’Ostic. Si fu tantost celle crois pres
chiee et publiee par le monde, et venoit a tous
seigneurs a grant plaisance, et especialment
a ceulz qui vouloient le temps dispenser en ar
mes et qui adont ne le savoient bien raisonna
blement ou emploier. Quant le roy de France
et les roys dessus nomméz orent esté un grant
temps deléz le pappe et ilz orent getté et avisé
et confermé la plus grant partie de leurs
besoingnes, ilz se partirent de court et pristrent
congié du Saint Pere, si s’en rala le roy d’Aragon
en son paÿs et le roy de France et sa compaingnie
s’en vindrent a Monpellier, et la furent ilz un
grant temps. Et fist adont le roy Phelippe une paix
qui se mouvoit entre le roy d’Aragon et le roy
de Mayorgues. Aprés celle paix faite, il retourna
en France a petites journees et a grans despens
visitant ses citéz, ses villes, ses chasteaux et
ses forteresses, dont il avoit sans nombre, et
passa parmy Auvergne, parmy Berry, Beausse
et parmy Gastinois et revint a Paris, ou il
fu receu a grant feste. Adont estoit le royaume
de France gras, plains et drus et les gens riches
et possessans de grant avoir, ne on n’y savoit
parler de nulle guerre. SHF 1-55 sync Le grant appareil que
le roy de France fist pour aler en Sainte Terre.
Sus l’ordonnance de la croix pour aler
oultre mer que le roy de France avoit em
pris et enchargié et dont il se faisoit chief, se
aviserent pluseurs seigneurs par le monde
et l’empristrent aussi les aucuns par grant
devotion. Car le pappe absoloit tous ceulz de
paine et de coulpe que en ce saint voiage iroient.
Si fu la dicte crois magnifestee et preschiee par
le monde et venoit a pluseurs chevaliers bien
a point qui se desiroient a avancier. Si fist
le roy Phelippe comme chief de ceste emprise, le plus
grant et le plus bel appareil qui onques en
eust esté fait pour aler oultre mer, ne du temps
Godefroy de Buillon ne d’autre, et avoit retenu
et miz en certains pors, c’est assavoir de Marcelles, de
Aigremorte, de Lactee, de Nerbonne, et d’environ
Montpellier, telle quantité de vaisseaux, de
navies, de carakes, de galees et de barges que
pour porter et passer LXM hommes d’armes et
leurs pourveances et le fist longuement pourveir

de bescuit, de vins, d’yaues douces, de chars
salees et de toutes autres choses neccessaires
pour gens d’armes et pour vivre et si grant
plenté que pour durer III ans s’il besoignoit.
Et envoia encore le dit roy de France grans
messages pardevers le roy de Hongrie, qui estoit
moult vaillant homme, en lui priant qu’il
fust appareillié et son paÿs ouvert pour
recevoir les pelerins de Dieu. Ce roy de
Hongrie y entendy voulentiers et dist
qu’il estoit tout pourveu et son paÿs aussi
de recevoir le roy de France et tous ceulz
qui avec lui yroient. Tout en tele maniere
le signifia le roy de France au roy de Chipre,
monseigneur Hugues du Luzegnon, un vaillant
roy durement, et au roy de Cecille, qui
voulentiers y entendirent et se pour
veirent selon ce bien et souffisaument
a la priere et requeste du roy de France.
Encore envoia le roy Phelippe devers les Ve
niciens en priant et requerant que leurs
mettes fussent ouvertes, gardees et
pourveues. Ceulz obeirent voulentiers
au roy de France et acomplirent son man
dement, et aussi firent les Genevois et
tous ceulz dessus la riviere de Genneves.
Et fist le roy de France passer oultre en
l’isle de Rodes le grant prieur de France
pour administrer vivres et pourveances
sur leurs mettes. Et firent ceulz de Saint
Jehan par accort avec les Veniciens
pourveoir souffisamment l’isle de Crette, qui est
de leur seignorie. Briefment chascun
estoit appareillié et rebracié pour faire
tout ce que bon estoit et sembloit pour
recueillir les pelerins de Dieu, et pristrent
plus de CCCM personnes la crois pour
aler oultre en ce saint voiage.
SHF 1-56 sync Comment le roy d’Engleterre se pour
quist d’aides en Alemaigne.
En ce temps que ceste croix estoit
ainsi en grant fleur de renommee
et que on ne parloit ne devisoit d’autre
chose, se tenoit mesire Robert d’Artois en
Engleterre, eschacié de France, deléz le joenne
roy Edouart, et avoit esté avec lui au
conquest de Bervich et en pluseurs chevaucees
d’Escoce. Si estoient nouvellement retournéz
en Engleterre et enortoit et conseilloit le dit
mesire Robert tempre et tart le roy qu’il vousist pb 22 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.