The Online Froissart

Facsimile mode Settings Browse | Collate

pb 231 r

Cavrelay ne ceulx de Saint Mor sur Loire
ne vindrent point avant. Et messire Alain
de Bouqueselle s’en vint sejourner en la
ville de Saint Sauveur le Viconte que le roy
d’Engleterre lui avoit donné. SHF 1-670 sync L’eslection
pape Gregoire onzieme.
Aprés celle desconfiture de Pont
volain que une partie des Englois
furent ruéz juz pourquoy leur chevaucee
se desrompi et deffist toute messire Bertrain
Claquin, qui en sa nouvelleté de l’office
de la connestablie de France usoit qui en
eut grant grace et grant recommandation,
s’en vint en France et le sire de Cliçon
avec lui et amenerent la plus grant
partie de leurs prisonniers en leur com
paignie a Paris. La les tindrent tout
aise et sans dangier et les recrurent
sur leurs fois courtoisement sans nulle
autre constrainte, ilz ne les mistrent
point en buies ne en fers, ainsi que
les Alemans font a leurs prisonniers
pour en escordre plus grant argent.
Les François firent bonne compaignie
a leurs prisonniers et les raençonnerent
sans eulx trop grever. En ce temps et
environ le Noel trespassa de ce siecle
en Avignon pape Urbain Ve qui tant
fu vaillant clerc, preudomme et bon
François. Et dont se mistrent les car
dinaux en conclave et esleurent entre
eulx un pape et le firent par commun
accort du cardinal de Beaufort, si fu ce
pape appellé Gregoire XIe. De la creation
et divine providence de lui fu durement
liéz le roy de France pour tant qu’il le
sentoit bon François et preudomme.
Et estoit au temps de sa creation deléz
lui en Avignon le duc d’Angiers qui y
rendy grant paine qu’il le feust. En
ce temps chevauçoit en Limozin messire
Eustace d’Aubrechicourt, si vint un soir
ou chastel du seigneur de Pierrebufiere
qu’il tenoit pour ami et pour compaignon
et pour bon Englois. Mais il mist Thibaut
du Pont, un homme d’armes de Bretaigne,
et sa route dedens son chastel. Lequel
prist messire Eustace qui de ce ne se donnoit
garde et l’enmena avec lui comme son

prisonnier et le raençonna depuis a XIIM
frans, dont il en paia IIIIM et son filz François
d’Aubrechicourt demoura en hostaige pour
le demourant devers le duc de Bourbon qui
l’avoit replegié et rendu grant paine pour
sa delivrance. Pour la cause de ce que messire
Eustace avoit aussi rendu grant paine a
la delivrance de madame sa mere que les
compaignes prindrent a Belleperche. Depuis
sa delivrance messire Eustace s’en vint demorer
en Quarenton oultre les gués Saint Clement
en la Basse Normandie une bonne ville que
le roy de Navarre lui avoit donnee et la
mouru, Dieux en ait lame, car il fu tant
qu’il vesqui et dura bon chevalier.
SHF 1-671 sync Comment messire Raymon de Maruel
eschappa de prison.
En ce temps s’en raloit de Paris en
son paÿs en Limozin messire Raimon
de Maruel, qui s’estoit tourné François
mais il chey entre les main d’un chevalier
de Poitou qui menoit une route des gens
messire Hue de Cavrelay et ne peut eschapper.
Quant le roy d’Engleterre sceut ceste prise,
il manda au dit chevalier qu’il lui envoiast
son ennemy et traitre messire Raimon
car il eu prendroit si grant vengance
qu’il seroit exemple a tous autres. Et pour
sa prise il lui donroit VIM frans. Messire
Gieufroy d’Argenton, qui le tenoit en sa
prison ne voult mie desobeir au roy son
seigneur ains dist que tout ce feroit il
voulentiers. Ces nouvelles sceues par messire
Raimon il fist grans regréz tant que sa
garde qui estoit Englois en eut pitié et
le reconfortoit. Et lui promist messire Rai
mon de donner la moitié de toute sa
terre s’il le peust delivrer de mort. Quant
ce vint de nuit, cil Englois qui estoit
povre homme ouvri la prison et une
posterne du chastel et fist tant qu’ilz
furent hors aux champs et se mistrent
en un boys et cheminerent celle nuit
VII lieues tout a pié et estoit gelle si
qu’ilz descirent durement leurs pies.
Et firent tant qu’ilz vindrent l’endemain
en Anjou en une forteresce françoise. Et
l’endemain quant ceulx du chastel s’en
apparceurent, ilz se mistrent en grant pb 231 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.