The Online Froissart

Facsimile mode Settings Browse | Collate

pb 232 r

duquel messire Guillaume de Montpaon estoit
seigneur. Quant les Bretons eurent
couru devant les barrieres, ilz moustrerent
grant semblant d’assault et l’environnerent
bien et faiticement. Et dont a pou de fait
le dit messire Guillaume les mist en sa forte
resse, lesquelx le reparerent tantost et
rafreschirent de ce qu’il appartenoit.
Si tost que le duc de Lencastre et les
barons de Guienne le sceurent, ilz se or
donnerent pour aler celle part. Si se
partirent de Bourdeaux I mercredy
aprés boire. Avec le duc de Lencastre es
toient les seigneurs de Partenay et de
Crupegnach, Loÿs de Harecourt, Guichart
d’Angle, Perceval de Couloingne, Gieffroy
d’Argenton, Jaques de Surgieres, Mauburni
de Livieres, Guillaume de Montendre, Hugue
de Vivone chevaliers et pluseurs autres
barons et chevaliers de Poitou et de Sain
tonge. S’y estoient la de Gascoingne
le Captal de Beus, les seigneurs de Pu
miers, de Chaumont, de Monferrant,
de Longuerem et de Geronde, le Soudich
de l’Estrade, Helie de Pumiers, Bernardet
de Labreth, Aimery de Tharse et pluseurs
autres chevaliers. Et d’Engleterre
Thomas de Felleton, Thomas de Persy,
Michiel de la Poule, Guillaume de Beauchamp,
Richart de Pontchardon, Baudouin de
Frauville, Dagorisses, les seigneurs de
Ros et de Willebi, tous chevaliers et pluseurs
autres. Si estoient bien VIIC lances et
VC archiers. Quant messire Guillaume de
Montpaon sceut leur venue, il considera
que s’il estoit pris ilz le feroient mourir
sans mercy, si s’en ala en la cité de Pier
regorth qui est moult forte et laissa
son dit chastel en la garde des IIII che
valiers dessus dis.
SHF 1-674 sync Quant le duc de Lencastre, les ba
rons, les chevaliers et leurs routes
furent venuz devant le chastel de Mont
paon, si l’environnerent de toutes pars
et si bastirent aussi fort et aussi bien
comme pour demourer VII ans. Et se
mistrent tantost a l’assaillir de grant
voulenté et envoierent querre et couper
par les villains du paÿs grant foison de

boys d’arbres et de merriens et les firent
reverser es fosséz. Et fu bien XX jours
que on n’entendoit fors que a raemplir les
fosséz. Et sur ces boys et merriens on
mettoit estrain et fuerre et terre, tant
qu’ilz raemplirent une grant quantité
des fosséz si qu’ilz pouoient bien venir
jusques aux murs pour escarmuchier
a ceulx dedens. Ainsi qu’ilz faisoient tous
les jours par V ou par VI assauls. Et
y avoit les plus beaux estours du monde
car les IIII chevaliers bretons qui dedens
estoient se defendoient tant bien, que
quoyque les Englois et Gascoings les
aprouchassent de si pris, riens ne con
queroient. Asséz pres de la en la garinson
de Saint Malkave estoient autres Bretons
desquelx Jehan de Malestret et Sevestre
de Budes estoient cappitaines. Ces deux
chevaliers qui tous les jours ouoient
parler des grans appertises d’armes
que on faisoit devant Montpaon disoient
souvent l’un a l’autre : "Nous savons bien
noz compaignons pres de cy et si vaillans
gens qui ont tous les jours par V ou
par VI estours la bataille a la main et
nous sejournons cy a riens de fait, si ne
nous acquittons pas bien que nous n’y
alons." La estoient en grant estrif d’aler
y et quant ilz avoient tout parlé, ilz
consideroient le peril de laissier leur
forteresse. Si dist une fois Sevestre : "Par
Dieu, Jehan, je iray ou vous iréz, or aviséz
lequel ce sera." Lors dist Jehan : "Sevestre,
vous demourréz cy et je iray." La furent
derechief en estrifs comme par accort
et serement fait et juré present tous les
compaignons. Ilz deurent traire a la
plus longue. Et cil qui aroit la plus
longue yroit et l’autre demourroit.
Si trairent tantost et eschey Sevestre
Budes a la plus longue. Lors y eut des
compaignons grant risee. Le dit Sevestre
s’appareilla sans delay et monta a che
val lui XIIe de hommes d’armes, si
chevauça ce jour tant que sur le soir
il se vint bouter en la ville et forteresse
de Montpaon dont les chevaliers et
les compaignons qui la dedens estoient pb 232 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.