The Online Froissart

Facsimile mode Settings Browse | Collate

pb 234 r

eulx. Et furent convoiéz sans peril
jusques a la forteresce de Sainte Siviere
en Limosin quant ilz eurent rendu
tout ce qu’ilz tenoient d’Uzés, cité et chas
tel. Puis retournerent le dit connestable
et François en France. Vous avéz bien
cy dessus oy recorder la chevauciee que
messire Robert Canolle fist en France et
comment il retourna en son paÿs en
Derval en Bretaigne. Et est bien voir que
aucuns Englois a leur retour parlerent
grandement a sa deshonneur mais
quant le dit messire Robert le sceut, il se
envoia excuser par deux de ses escuiers
d’onneur, tellement que le roy d’Engleterre
et son conseil se contenterent bien de
lui parmy ce que messire Alain de Bou
queselle et aucuns autres chevaliers
bien améz et prouchains du roy l’en
aidierent a excuser. Et fu trouve en
son tort et justicies publiquement en
la cité de Londres messire Jehan Mestre
ourde. Et le dit messire Robert demoura
en la grace du roy et du prince.
SHF 1-681 sync Le rencontre sur mer des Englois
et Flamens devant le Bay en Bretaigne
et comment les Flamens furent desconfiz.
Le roy d’Engleterre qui se veoit
herie et guerroie des François
malement acquieroit amiz ce qu’il
pouoit pardeça la mer. Et avoit pour
lui le duc de Guerle son nepveu et le
duc de Julliers, lesquelx devoient en
celle saison mettre sus une grant somme
de gens d’armes pour entrer en France.
En ce temps envoia le roy d’Engleterre
le conte de Herfort et les chevaliers de
son hostel moult ordonneement en
Bretaigne pour parler au duc sur aucu
nes ordonnances qui devoient estre entre
lui et le duc. Celle saison s’estoient
heriéz sur mer les Englois et les Fla
mens et tant que les Flamens avoient
perdu, dont il leur desplaisoit. Si se
trouverent d’aventure devant un ha
vene en Bretaigne, que on dist a le Bay,
ces Englois et Flamens. Et estoit patron
de la navie des Flamens Jehan Pietre
sone et des Englois messire Guy de Briane.

Si tost qu’ilz se furent trouvéz, ilz
ferirent ensemble et assemblerent
de leurs vaisseaux. Et la eut grant
bataille et dure malement. Et estoient
la des chevaliers du dit roy avec le
conte de Herfort messire Richart de Pen
nebruge, messire Alain de Bouqueselle, messire
Richart Stury, messire Thomas Wilk et
des autres chevaliers. Si se combatirent
ces chevaliers et leurs gens moult as
prement a ces Flamens et si porterent
tres vaillemment. Comment que les Fla
mens feussent grant foison et pourveuz
de leur fait car ilz n’avoient desire toute
la saison autre chose que ilz peussent
avoir trouvé les Englois mais pour ce
ne l’eurent ilz mie d’avantaige et dura
celle bataille sur mer bien III heures.
Et la eut fait pluseurs grant appertises
d’armes et maint homme navré et
blecié du trait. Et avoient leurs nefs
atachiees et agravees de fer et a chain
nees par quoy ilz ne peussent fuir.
Touteffois finablement la place de
moura aux Englois et furent les
dis Flamens desconfiz et sire Jehan
Pietresone leur patron pris et tout
le demourant mort ou pris. Onques
nul n’eschapa. Et retournerent les dis
Englois arriere en Engleterre qui em
menerent leur conquest et leurs pri
sonniers et ne firent point leur voiage
en Bretaigne adont. Si compterent
ces nouvelles au roy d’Engleterre leur
seigneur, qui moult fu joyeux de leur
aventure quant il entendy que les
Flamens qui envahi les avoient estoient
desconfiz. Si furent tantost envoyés
en prison fermee Jehan Pietresone et les
autres et espars parmy Engleterre.
SHF 1-682 sync Aprés celle desconfiture qui fu
faite sur les Flamens devant le
Bay en Bretaigne, le roy d’Engleterre mist
grans gens sur mer a l’encontre des dis
Flamens et les commanda a guerroier
et herier et clorre les pas, par quoy riens
ne leur venist fors a grant dangier.
Quant ceulx de Bruges, d’Ypre et de
Gand entendirent ces nouvelles, ilz pb 234 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.