The Online Froissart

Facsimile mode Settings Browse | Collate

pb 236 v

quant l’eaue fu faillie, il couvint re
traire les Englois sur l’eure de vespres,
si retournerent a l’ancre mais a ce
premier estour y perdirent IIII nefs
de leurs pourveances que les Espaignolz
enclostrent entr’eulx au departement
du hustin. Et furent noyéz la plus
grant partie des Englois qui dedens
estoient moult estoit l’air et le temps
quoy et sery et ne faisoit point de vent.
Les seigneurs d’Engleterre ne pouoient
venir a La Rochelle car leurs nefs estoient
grosses et l’eaue basse car c’estoit sur le
decours de la lune, si n’avoit la mer point
de force. Bien avoient des bateaux en
leurs nefs et qui les suivoient, esquelz
les chevaliers se peussent bien estre miz
s’ilz voulsissent et venir arriver jusques
au kay de la Rochelle. Mais ilz ne pouoient
passer fors parmy leurs ennemiz qui
avoient telles pourveances de barges
et de bateaux et estoient enformé de ce
fait. Et en passant devant ou deléz les
grans vaisseaux d’Espaigne ceulx qui
estoient d’amont leur getteroient pierres
et barreaux de fer et effonderoient les
vaisseaux petiz. Si n’estoient mie les
Englois d’accort d’eulx mettre en ce peril,
ne aussi de eulx retourner et prendre
le parfont. Ilz ne veoient ne honneur
ne prouffit a eulx car si tost que les
Espaignols les verroient partir, ilz leur
seroient tantost au devant et les aroient
a voulenté car les Espaignols avoient
leurs gales armees et pourveues de
grant foison de rimeurs et aussi seroit
reprouche de fuir. Si distrent les Englois
qu’ilz attenderoient l’aventure de Dieu
et se comabteroient l’endemain tant
qu’ilz pourroient durer.
Celle nuit et tout le soir estoit en
grant peril et pourchas messire
Jehan Harpedanne, seneschal de la Rochelle,
envers ceulx de la ville et leur moustroit
comment leurs gens se combatoient aux
Espaignols. Et qu’ilz ne s’acquittoient mie
bien quant on ne les aloit aidier mais
quoy qu’il leur sermonnast, ilz n’en faisoient
nul compte. Et moustroient bien les
pluseurs par semblant qu’ilz amoient mieux

le dommaige des Englois que l’avantaige.
A ce dont estoient en La Rochelle deux
gentilz chevaliers de Poitou, le sire de
Tannaibouton et messire Jaques de Sur
giers, lesquelx prierent moult a ceulz
de la ville qu’ilz voulsissent aler devers
leurs gens avec eulx mais onques nul
n’y voult aler. Et dont ces II chevaliers
se firent mener et navier a esploit de
rimes jusques aux nefs du conte de
Pennebroch ou ilz entrerent l’endemain
qu’il fu la veille saint Jehan Baptiste
l’an mil IIIC LXXII. Et estoit l’estour com
mencié des le point du jour que le flot
de la mer fu revenu. La combatoient
forment les Espaignols assaillans car
ilz avoient esté ordonnéz en cest affaire
comme pour les meilleurs de leur paÿs,
si ne l’avoient mie d’avantaige car
les Englois, Gascoings et Poitevins se
defendoient vaillemment. Les Espaignols
gettoient d’amont plommees, pierres
et grans barriaux de fer dont ilz defrois
soient tous les vaisseaux des Englois.
Les vaisseaux et galles des Espaignols
estoient grans si qu’ilz paroient par
dessus ceulx des Englois, par quoy leurs
coups qu’ilz ruoient et gettoient de hault
estoient plus fors que ceulx des Englois
qui venoient de plus bas. Les quatre
patrons et cappitaines des Espaignols
estoient chascun en une gallee entre
leurs gens en bon couvenant et disoient
a leurs gens : "Mes enfans, ne vous
esbahissiés de riens car ceulx cy sont
nostres et aprés venront les autres." Les
archiers d’Engleterre traoient moult
forment et onniement mais les Espai
gnols estoient si bien paveschiés que
le trait ne leur fist mie grant dommage.
En cel estour et en celle rihote se tindrent
les Englois tout le jour et cuidoient
toudiz que ceulx de La Rochelle les deusent
secourir mais ilz n’en avoient nul
talent ne onques plus ne s’en partirent
fors les II chevaliers dessus dis et le
cappitaine Harpedanne. Tant estoient
durement combatuz les Englois qu’ilz
estoient moult lasséz et les conquistrent
en la fin les Espaignols, mais moult pb 237 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.