The Online Froissart

Facsimile mode Settings Browse | Collate

pb 23 v

du conte de Haynau, de monseigneur Jehan son
frere et des seigneurs chevaliers du paÿs
et aussi des bourgois et des dames de
Valenchiennes, le dit evesque de Lincolle et
la plus grant partie d’eulx se trairent par
devers le duc de Breban par le conseil
du conte dessus dit. Si les festoia le duc
asséz souffisant car bien le savoit faire. Puis
s’acorderent si bellement au duc qu’il ot
en couvent de soustenir le roy englois son
cousin et toutes manieres de ses gens en
son paÿs, car a faire l’avoit car c’estoit son
cousin germain si pouoit venir et aler et
demourer armés et desarmés touteffois
qu’il leur plairoit. Et avec ce, il leur ot
en couvent par tout son conseil et parmy
une somme de florins que se le roy englois
son cousin vouloit le roy de France deffier
souffisaument et entrer a force en son royaume
et se il pouoit avoir l’accort et l’aide de ces
seigneurs d’Alemaigne dessus nomméz, il
le deffieroit aussi et yroit avec lui a
tout mile armeures de fer. Ainsi leur
ot il encouvent par sa creance, de quoy
il cancela et detria puis asséz si comme
vous orréz avant en l’istoire.
SHF 1-58 sync Adont furent ces seigneurs d’Engleterre
moult aisiés et leur sembla qu’ilz
avoient moult bien besoingne tant
comme au duc si retournerent a Valen
ciennes et firent par messages et par l’or
et l’argent leur seigneur, tant que le duc
de Guerle, serourge au dit roy englois,
le marquis de Julliers pour lui et pour
l’arcevesque de Couloingne, Walerant, son
frere, et le sire de Franquemont vindrent
a Valenchiennes parler a eulz pardevant
le conte de Hainaut, qui ne pouoit mais
chevaucier ne aler, et pardevant mesire Jehan,
son frere. Et exploitierent si bien devers
eulx parmy grandes sommes de florins
que chascun devoit avoir pour lui et
pour ses gens, ilz orent en couvent de
deffier le roy de France avec le roy englois,
quant il lui plairoit et que chascun
d’eulz le serviroit a I certain nombre de
gens d’armes a heaumes couronnéz.
En ce temps parloit on de heaumes et ne
faisoient les seigneurs nul compte d’autres
gens d’armes s’ilz n’estoient a heaumes et

a thimbres couronnéz. Or est cil estat venuz
maintenant, on parle de lances ou de glaives
ou de jaques. Et vous dy que ces seigneurs
dessus nomméz orent en couvent aux gens
du roy d’Engleterre qu’ilz leur aherdroient
a autres seigneurs d’oultre le Rin, qui bien
avoient pouoir de amener grant foison de
gens d’armes mais qu’ilz eussent le pourquoy.
Puis pristrent congié les dessus dis seigneurs
alemans et en ralerent en leur paÿs. Et les
seigneurs d’Engleterre demourerent encore a
Valenciennes et en Henaut deléz le conte,
par quel conseil ilz ouvroient le plus. Si
prierent et envoierent encore souffisant messages
devers l’evesque de Liege, monseigneur Aoulz et
l’eussent voulentiers attrait de leur partie
mais le dit evesque n’y voult onquez entendre
ne riens faire encontre le roy de France
a qui il estoit devenuz homme et entréz
en sa feaulté. Le roy Charles de Behaigne ne
fu point prié ne mandé. Car on savoit bien
qu’il estoit si enjoint au roy de France par
le mariage de leurs II enfans, du duc de
Normandie, Jehan, qui avoit a femme ma
dame Bonne, fille au dessus dit roy, que
pour celle cause il ne feroit riens contre
le roy de France. Or me tairay I petit
d’eulz et parleray d’une autre matiere
qui a ceste se joindra. SHF 1-59 sync Le comencement
de Jaques d’Artevelle.
En ce temps dont j’ay parlé, ot grant
discention entre le conte Loÿs de
Flandres et les Flamens, car ilz ne voloient
mie obeir a lui ne a paines ne s’osoit il
tenir en Flandres, fors en grant peril et
avoit lors un homme a Gant qui avoit
esté brasseur de miel. Cil estoit entré en
si grant fortune et en si grant grace a
tous les Flamens que c’estoit tout fait et
bien fait quanqu’il vouloit deviser et
commander par toute Flandres, de l’un bout
jusques a l’autre et n’y avoit nullui com
grant qu’il fust qui de riens osast trespasser
ses commandemens ne contredire. Il avoit
toudiz aprés lui alans en la ville de Gant
LX ou IIIIXX varléz arméz, entre lesquelx
il en y avoit II ou III qui savoient
aucuns de ses secréz. Et quant il encon
troit I homme qu’il haioit ou qu’il avoit
en souppeçon, cil estoit tantost tué. Car pb 24 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.