The Online Froissart

Facsimile mode Settings Browse | Collate

pb 244 r

maintenant." Puis retourna la dame
au Chastel Acart et fist lever le siege
car elle moustra lettres du duc de
Berry. Adont se partirent les Bretons dont
le connestable estoit chief et vindrent
devant Mortemer. Et dont la dame
de Mortemer se rendy et mist en l’obeis
sance du roy de France et toute sa terre et
rendy le chastel de Dienee qui appendoit
a lui. SHF 1A-723 sync Ainsi fu tout Poitou, Saintonge
et La Rochelle quitte et delivré des Englois.
Quant le connestable eut par tout miz
gardes et qu’il ne sentoit es marches
dessus dictes jusques sur la riviere de
Geronde nul rebelle, il revint en France.
Et ja y estoient retournéz les ducs de
Berry, de Bourgoingne et de Bourbon et
la plus grant partie des baronnies de
France qui avoient esté a ces conquests.
Si les avoit le roy moult festoyéz a leur
retour mais encore ne fu ce riens que
quant messire Bertrain Claquin revint,
a paines le pouoit le roy asséz honnorer.
Si se tint le connestable deléz le roy a
Paris et ailleurs.
Du siege de Biecerel et la mort
du roy David d’Escoce.
En ce temps avoient les seigneurs
de Cliçon, de Laval, d’Avangor, de
Tournemue, de Rions et de Rochefort, le
viconte de Rohen, messire Charles de Diguant
banneréz de Bretaigne, le mareschal de
Blanville, les seigneurs de Aubue, de
Ruille, de Fonteville, de Graville, de Frau
ville, d’Aimeval et de Cleres, banneréz
de Normandie et grant foison d’autres
gens de Bretaigne et de Normandie miz
le siege devant le fort chastel de Biecerel
et moult le constraingnoient par assaus.
Si avoit dedens II cappitaines d’Engleterre
messire Jehan Appert et messire Jehan Cor
nuaille, lesquelx avoient des compaignons
qui bien se defendoient. Et eut en celle
saison devant Biecerel fait mainte ap
pertise d’armes, mainte yssue, maint
assaut et mainte escarmuche. Asséz pres
de la en Constantin se tenoient aussi devant
Saint Sauveur le Viconte estoient messire
Thomas Triwés, messire Jehan de Bourc,
messire Phelippe Picarde et les III freres de

Maulevrier. Si que ainçois que le siege
venist devant Biecerel, ces deux garnisons
couroient toute la Basse Normandie et ne
demouroit riens de hors les forteresses que
tout ne feust pris et amené devant les dis
forteresses et dedens aussi. Et avoient
durement apovri et raençonne l’eveschié
de Bayeux et l’eveschié d’Evreux. Et les y
avoit consentu le roy de Navarre et con
forté par pluseurs fois de gens et pourveances
qu’il tenoit aussi en ses garnisons en la
conté d’Evreux. Car il n’estoit mie d’acort
au roy de France si que les garnisons
de Chierbourc, de Gonerel, de Couches, de
Bretueil, d’Evreux et pluseurs autres obeissans
au roy de Navarre, avoient aussi apouri
grandement et honny le paÿs de Nor
mandie. Mais en ce temps s’en sonnierent
bons moyens entre les deux roys par
le traitié du conte de Salebruge qui moult
avoit chevaucié de l’un a l’autre et aussi
de l’evesque d’Evreux tant que on les
mist d’acort. Et furent les II roys amiables
ensemble ou chastel de Vernon sur Saine
et jurerent present pluseurs grans seigneurs
de France et de Navarre paix, amour, unité
et confederation a tousjours. Et vint le
roy de Navarre en France en la compaignie
du roy de France qui lui fist toute l’amour
et recreation qu’il peut et a ses gens. Et
mist adont le roy de Navarre toute sa terre
de Normandie en la main et gouvernement
du roy de France son serourge et laissa
ses II filz monseigneur Charles et monseigneur Pierre
deléz le roy de France leur oncle. SHF 1A-724 sync Puis s’en
parti par grant amour et s’en revint
arriere en Navarre. Ainsi se tint celle paix
IIII ans mais depuis esmut entr’eulx
moult grant dissention, si comme vous orréz
avant en l’istoire, si l’est qui la vous dit
ou face mais je ne cuide mie mener ce
livre jusques a la fin. Le VIIe jour de
may, l’an mil IIIC LXXIII trespassa de
ce siecle en la ville de Haindebourc le roy
David d’Escoce. Si fu enseveli en l’abbaie
de Donfremelin moult reveremment deléz
le roy Robert de Bruix son pere. De lui
ne remist filz ne fille mais fu roy par
droite succession un sien nepveu nommé
Robert, qui estoit seneschal d’Escoce, grant pb 244 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.