The Online Froissart

Facsimile mode Settings Browse | Collate

pb 245 r

et pris par force. Si furent mors tous
ceulx qui dedens estoient. Puis vint le
connestable devant Jugon qui se mist en
l’obeissance du roy de France. Aussi fist le
chasteau de Gouy la Forest et la Roche Darian
et la ville de Guinguant et Saint Mahieu
de Fine Posterne et Saint Malo de l’Ille.
Aprés vint devant Quempercorentin
qui se tourna tantost. Puis Camperli
et Gredo et Guerlande et pluseurs forteresses
qui la estoient environ. Et chevauça le
connestable premierement toute Bretaigne
bretonnant pour tant qu’il le sentoit
plus encliné au duc Jehan de Monfort
que le Bretaigne gallot. Quant le duc
se parti de Bretaigne pour aler en Engleterre,
il institua monseigneur Robert Canolle a estre
maimbour et gouverneur de toute la
duchié mais pou de seigneurs obeirent
a lui. Touteffois il pourvey bien et
souffisemment son chastel de Derval et
le recommanda a un sien cousin messire
Hue Broe. Et le dit messire Robert se trait
tout quoy dedens Brest. Le connestable
vint devant Haimbont ou estoit cappi
taine depar le duc de Bretaigne I escuier
englois appellé Thomelin Wich et encore
estoit dedens un chevalier envoié depar
messire Robert Canolle qui s’appelloit
messire Thomas Prieur et estoient bien
IIIIXX tous comptéz sans ceulx de la ville.
SHF 1A-728 sync Si tost que les François y furent venus,
ilz commencierent a assaillir forment
et amenoient avec eulx par tout ou
ilz aloient engins et grans canons,
dont ilz avoient pris moult de chas
teaux et de forteresces et par especial
la ville de Camperli en fu prise, dont
Jaques Ros, un escuier d’Engleterre, estoit cap
pitaine, qui ne peut venir a mercy car
il chey es mains messire Olivier de Cliçon
qui l’occist d’un glaive. Et aussi en occist
il pluseurs de sa main la guerre durant.
Ne il n’avoit pitié ne mercy d’Englois
puis qu’il les tenoit a leur desoubz.
Or venons au siege de Haimbont. Le
connestable de France qui avoit fait
drecier ses engins et asseoir les canons
devant la ville et chastel de Haimbont,
que messire Charles de Blois n’avoit onques

peü conquerre, commanda a toutes gens
d’armes que chascun traist a l’assaut car
il dist qu’il y vouloit souper dedens. Lors
assaillirent de grant maniere sans eulx
espargnier et ceulx dedens se defendirent
avec les Englois. Mais le connestable leur
dist : "Entendéz entre vous hommes de leans,
il est certain que nous vous conquerrons
tous et souperons encore nuit en ceste ville
mais s’il y a nul homme des vostres tant
soit hardy qui gette pierre ne quarrel par
quoy le plus petit de nous neiz de noz
garçons soit blecié. A Dieu le veu je vous
feray tous tollir les testes." Ceste parolle
esmaia si ceulx de Haimbont qu’ilz alerent
a leurs maisons et laissierent les Englois
couvenir, qui se defendirent asséz vaillem
ment tant qu’ilz peurent durer mais la
ville estoit si grande que les Englois a
par eulx ne peurent pas par tout entendre.
Si entrerent ens les gens du connestable
si furent les Englois mors excepté les II
cappitaines qui furent pris. Et pour ce
que les gens de Haimbont avoient obey
au commandement du connestable quant
on assailloit il commanda que nul ne
feust si hardy qu’il leur portast dommaige.
SHF 1A-729 sync Ci commence le siege de Brest par messire
Bertram Claquin.
Quant le connestable de France eut
conquis la ville et le fort chastel
de Haimbont, il y sejourna XV jours. Puis
s’achemina devers la ville de Kouque. En
tretant le conte de Salebrin, messire Guillaume
de Nuefville, messire Bruiant de Scapelone
et messire Guillaume de Luzi qui avoient re
freschi la forteresse de Brest de gens d’armes,
d’archiers et de pourveances, entrerent
en leurs navies et se mistrent sur mer
pour garder la mer a l’encontre des
François qui tenoient adont les champs
en Bretaigne bretonnant car les Englois
ne savoient quel part le connestable
aroit a les mener. Quant le connestable
vint devant la ville de Kouke, qui est un
havene de mer, il prist la ville par force
d’assault. Si furent mors les Englois qui
dedens furent trouvéz excepté le cappitaine
monseigneur Jehan de Luingay, qui fu pris a
mercy. Celle ville reparerent les François pb 245 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.