The Online Froissart

Facsimile mode Settings Browse | Collate

pb 245 v

et repourveirent de gens d’armes et de
toutes autres pourveances. Puis se trairent
tous pardevant Brest ou le sire de Nuef
ville et messire Robert Canolle se tenoient
qui avoient avec eulx IIC combatans et
autant d’archiers. Si assegierent Brest
ces seigneurs de France et de Bretaigne
qui estoient bien VIM combatans. Asséz
tost aprés ce qu’ilz furent la miz a siege,
fu mandé messire Olivier de Cliçon depar
le duc d’Anjou que avec une partie de gens,
il venist mettre siege devant Roche sur Ion
que les Englois tenoient encore. Et dont
le sire de Cliçon assega la ville tout
entour et dreca grant foison d’engins que
on leur amena de Poitiers et d’Angiers.
Si vindrent la en la compaignie des
Bretons, les seigneurs de Pons, de Partenay,
de Chauvegni, de Couloingne et de Rous
seillon, messire Guillaume Crupignac, Poitevins.
Et d’Anjou les seigneurs de Matefelon et
de Maulevrier. Si commencierent fort
a constraindre ceulx de Roche sur Ion et
distrent bien qu’ilz ne s’en partiroient si
l’aroient. En ce temps estoit avaléz en
Anjou, le duc d’Anjou, qui refreschissoit
souvent ceulx qui tenoient ce siege de
pourveances et de gens d’armes. Et toudiz
se tenoit le siege devant Brest du connestable
de France, du duc de Bourbon, des contes
d’Alençon et de Pierregort, du dauphin
d’Auvergne, de monseigneur Loÿs de Saucerre,
mareschal de France, des seigneurs de
Sulli, de Rainneval et d’Angier, de messire
Jehan de Bouloingne et de la baronnie
de France, mais trop pou y conqueroient
car Brest est I des fors chasteaux du
monde. Et pour ce que messire Robert
Canolle en estoit cappitaine s’aviserent
les seigneurs de France qu’ilz envoieroient
assegier son chastel de de Derval. Si y
alerent le viconte de Rohen, les seigneurs
de Laval, de Beaumanoir, de Rochefort, de
Malestret, de Rais, d’Auseins et de Tourne
mue, messeigneurs Olivier de Mauni, Thibaut
du Pont, Charles de Diguant, Alain de Saint
Pol, Guillaume Broel et bien IIIIC combatans.
Ainsi tindrent les seigneurs de
France IIII sieges l’un devant
Biecerel, l’autre devant Brest, le tiers

devant Roche sur Ion et le quart devant
Derval. Si eut a chascun pour prendre
ces frontieres fait maint assault et appertise
d’armes. Ceulx de Roche sur Ion qui estoient
les plus loingtains de tout confort
et encloz entre leurs ennemiz compo
serent que s’ilz n’estoient secouru dedens
I mois, ilz se partiroient de la et met
troient le chastel en l’obeissance du
duc d’Anjou. Et dont le seigneur de
Cliçon et les chevaliers qui la estoient
tindrent leur journee. Et quant nul
ne vint ne apparu pour lever le siege,
le chastel se rendy. Et s’en partirent les
Englois sur le conduit du seigneur
de Pons et s’en alerent vers Bourdeaux.
Puis vint messire Olivier de Cliçon et les
autres qui eurent esté au conquerre de
Roche sur Ion devant le chastel de Derval
ou ilz firent amener engins grans
et bien ordonnéz. A ce siege de Derval
vindrent le connestable de France, le duc
de Bourbon, les contes d’Alençon et du
Perche et grant foison de baronnie et
chevalerie de France. Car il leur sembloit
qu’ilz perdoient leur temps devant
Brest, mais il en y demoura bien IIC
et firent bastides sur certains pas pour
garder les voies que nul n’alast a Brest
rafreschir la forteresse. SHF 1A-730 sync Quant messire
Broes et ceulz qui estoient dedens Derval
se virent forment apresséz, ilz doubterent
que de force ne feussent pris si s’aviserent
de traitier pour avoir I respit durant
II mois. Et se la dedens ilz n’estoient
secouruz du duc de Bretaigne ou d’au
trui fort asséz pour tenir les champs
et lever le siege, se les François se
vouloient combatre, ilz rendroient
la forteresse a monseigneur d’Anjou ou au
connestable. Et se gens d’armes venoient
si fort que pour costoier les François,
ceulx dedens demourroient en paix.
Ce traittié fu entamé, si en fu le duc
d’Anjou qui estoit sur les marches
enforméz, si l’accorda parmy ce que
ceulx de Derval ne devoient nullui
recueillir ce terme durant en leur
forteresse. Et dont messire Hue Broe en
livra gentilzhommes, chevaliers et escuiers pb 246 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.