Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
New York M804
Previous | Folio 247 r | Next
pb 247 r

rafreschi et avitaillié la forteresce, il s’en
parti et se mist sur mer pour garder les
marches et les frontieres ainsi qu’il y
estoit commis. Et messire Robert Canolle
d’autrepart se parti de Brest et fist tant
qu’il vint en sa forteresce dedens Derval.
Sitost qu’il fu en Derval, il fu signifié
au duc d’Angou, qui estoit avaléz a
Nantes et au connestable, si supposerent
tantost ce qu’il en avint. Car messire
Robert Canolle brisa tous les traittiés
qu’il entendy que ses gens avoient
fais et renonça a tous et manda au
duc d’Anjou et au connestable qu’il n’en
tenroit nulz. Car ses gens n’estoient
point puissans de faire nulle compo
sition sans lui et sans son sceu. Quant
le duc l’entendy, il vint personnelment
au siege de Derval.
SHF 1A-737 sync Or parlerons du duc de Lencastre
et du duc de Bretaigne, com
ment a ost Englois ilz chevaucierent
parmy le royaume de France.
Ilz estoient arrivéz a Calais a plus de
IIIM hommes d’armes et de XM archiers
et avoient III ans devant ymaginé
et pourveu ce voiage. Et estoient moult
estoffeement garniz et tous les seigneurs
qui avec eulx passerent, c’est assavoir
lez contes de Warvich, de Stanfort et de
Sufforch, monseigneur Edouart seigneur Despensier
qui estoit le plus grant des barons et
connestable pour le temps de tout l’ost,
les seigneurs de Willebi, de la Poule, de
Basset, de Welles et de Hollenton, messei
gneurs Henri de Persi, Loÿs de Clifort,
Guillaume du Beauchamp, le Chanoine de
Robersard, Gautier Huet, Hue de Cavrelay,
Estienne de Consenton, Richart de Pont
chardon et pluseurs autres chevaliers et
escuiers d’Engleterre que je ne puis mie
tous nommer. Le roy de France qui sentoit
asséz que ce passage des François se
feroit avoit pourveu ses citéz, villes et
chasteaux en Picardie, en Artois et en
Vermendois et avoit par tout miz
gens d’armes, grant foison de Bretons,
Bourgoingnons, Picars, Normans et
pluseurs soudoiers qu’il avoit miz aussi

de l’Empire. Si se partirent ces gens
d’armes de Calais quant ilz eurent
ordonne et miz a point leur charroy
dont ilz avoient grant foison. Si che
vaucierent en III batailles si ordon
neement qu’il n’y avoit que amender.
Si estoient premiers la route des ma
reschaus dont les contes de Warvich et
de Sufforch estoient chiefs et puis les
II ducs et grant foison de belle chevalerie
en leur route. Et aprés le connestable
le sire Despensier en une autre grosse
route. Et chevaucierent toute serre sans
eulx desrouter et toudiz la teste armee
et tout prest de combatre s’ilz voulsissent
et trouvassent a qui. Et se logoient
tous les soirs ensemble et faisoient
grant guet et fort afin qu’ilz ne feussent
surpriz. Et ne chevauçoient que III
lieues le jour et n’osoit nul chevaucier
devant les banieres des mareschaux
s’il n’estoit envoié pour courre. Et pas
serent devant Montoire dont monseigneur de
Haindebourc estoit cappitaine, mais point
n’y assaillirent. Puis devant Saint
Omer et aprés devant Therouenne, SHF 1A-738 sync si
ardirent moult velainement les
courreurs la terre du conte de Saint Pol.
Et vindrent asséz pies d’Arras et se
logierent les deux ducs en l’abbaie du
Mont Saint Eloy et y furent II jours.
Puis s’en partirent et costoierent Arras
mais point n’y assaillirent car bien
savoient qu’ilz perderoient leur paine.
Quant ilz vindrent a Bray sur Somme
il y eut grant assault devant la
porte des II marechaux. Et la eut
grant hustin car il avoit dedens en
garnison bons chevaliers et escuiers
de Picardie, dont le viconte de Meaux
estoit cappitaine et messire Raoul de
Rainneval, le Chanoine de Robersard
en porta III par terre de fer de glaive
devant la porte. Et la eut dur escar
muche. Touteffois les François gar
derent si bien la porte qu’il n’y perdirent
riens. Et passerent les Englois oultre
costoiant la riviere de Somme et s’aviserent
qu’ilz venroient passer entre Hen en pb 247 v