Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
New York M804
Previous | Folio 254 v | Next
pb 254 v

messire Thomas son oncle conte de Boulegni,
le seigneur de Persi conte de Northom
brelande, messire Thomas d’Angle conte de
Hostundome, le seigneur de Maubray
conte de Netighem. Si fu le joenne roy
miz en l’ordonnance de ce gentil et vaillant
chevalier messire Guichart d’Angle par
l’accord de tout le paÿs pour l’instruire
en nobles vertuz. Et demoura le roy
aume d’Engleterre ou gouvernement du duc
de Lencastre. SHF 1A-780 sync Sitost que le roy Charles
de France sceut la mort du roy Edouart
son cousin, il dist bien que vaillemment
et noblement avoit regné et que bien
devoit estre memoire de lui ou nombre
des preux. Lors assembla grant foison
de nobles et de prelas de son royaume
et fist faire l’obseque et toute l’ordonance
de l’anniversaire moult honnorablement
en la Sainte Chappelle a Paris. Asséz
tost aprés ce trespassa madame Marie
ainsnee fille du roy de France. Laquelle
estoit juree et couvenanciee au damoi
sel Guillaume de Haynau filz ainsné du
duc Aubert. SHF 1A-780bis sync Comment les amiraulx
de France et d’Espaigne ardirent plu
sieurs villes en Engleterre.
Ou temps des treves dessus dictes
le roy de France s’estoit toudiz
pouveu grossement de nefs de barges
de vaisseauz et de gallees. Et lui avoit
le roy Henry d’Espaigne envoié son
amiral maistre Ferrant Sanse, lequel
avec messire Jehan de Vienne, amiral
de France, vint ardoir en Engleterre
la ville de Rye IIII jours aprés le
trespas du roy Edouart d’Engleterre la veille
saint Pierre en juillet. Et y mistrent
a fin hommes, femmes et enfans, et
tout ce qu’il y trouverent. Ces nou
velles vindrent a Londres. Si furent
ordonné lez contes de Cantebruge et de
Boulegny d’aler a Douvres a grant
foison de gens d’armes. Et le conte de
Salebrin et messire Jehan de Montagu
d’autre part d’aler devers les marches
de Hantonne. Aprés ce l’armee du roy
de France vint prendre terre en l’isle de
Wisque. Et ardirent les dis François

les villes qui s’ensuivent, Lemende, Dartemonde,
Plemende, Plesuine et pluseurs aultres. Et
quant ilz eurent tout pillié et ars la
ville de Wisque, ilz se retrairent en mer
et costoierent avant. Et descendirent a
un port que on dist Poq. La estoit le conte
de Salebrin et messire Guillaume de Montagu
son frere a grant foison de gens d’ar
mes qui leur defendoient le passage
mais ilz ardirent une partie de la
ville de Poq. Puis rentrerent en mer
et costoierent contremont vers Han
tonne et vouloient tous les jours
prendre terre en Engleterre mais les Englois
et la route du conte de Salebrin qui
chevauçoit a mesure qu’ilz waucroient
par mer leur defendoient souffisaument
a prendre terre. Si vindrent ces gens
de mer devant Hantonne. La estoit
messire Jehan d’Arondel a grant foison
de gens d’armes et d’archiers qui bien
defendirent la ville. Autrement elle
eust esté prise si s’en partirent les
François et monterent vers Douvres
et vindrent un jour prendre terre
d’encoste une abbaie que on dist de Lians.
La eut foison des gens du paÿs assem
bléz et avoient fait du prieur de Lians
et de messeigneurs Thomas Cheny et
Jehan Fuselee. Lesquelx se mistrent en
bon arroy pour defendre le passage
et ne l’eurent mie les François d’avan
taige. Ainçois leur cousta de leurs
gens avant qu’ilz peussent arriver.
Touteffois par bien combatre ilz
prindrent terre. Et y eut grant escar
muche si furent les Englois reculéz
et miz en chace et en y eut bien mort
IIC. Et y furent pris les II chevaliers
et le prieur de Lians. Aprés rentrerent
les François en leur navie et se tin
drent a l’ancre devant l’abbaie de Lians
celle nuit. Lors sceurent les François
premierement par leurs prisonniers
la mort du roy Edouart et le couron
nement du roy Richart et encore
une partie des ordonnances d’Engleterre
et quelle quantité de gens d’armes
il avoit a Douvres. Et dont messire Jehan de Viennepb 255 r