The Online Froissart

Facsimile mode Settings Browse | Collate

pb 255 r

de Vienne fist partir une barge et I chevalier
lequel arriva a Harefleu et d’ilec che
va jusques a Paris ou il trouva le
roy, auquel il dist les certaines et les
premieres nouvelles ou le roy adjousta
verité de la mort du roy d’Engleterre.
SHF 1A-781 sync Aprés ce les François et Espaignols se
partirent de l’abbaie de Lians et siglerent
contremont si eurent vent a voulenté
et vindrent de celle maree a heure de
tierce devant Douvres. Et estoient
bien les François VIXX voiles parmi les
gallees. Adont estoit dedens la ville de
Douvres a grant foison de gens d’armes
et d’archiers messire Ammon conte de Can
tebruge et monseigneur Thomas son frere, conte
de Bouquigem lesquelx furent devant
le port a IIM combatans, les banieres
et pennons desploiéz et attendoient les
François qu’ilz avoient de loings veü
venir et toudiz leur venoient gens du
paÿs d’environ qui les avoient veüz
nagier. Les François vindrent devant
le port mais point n’y arresterent. Ains
passerent oultre et prindrent le parfont
de la mer car la mer se commencoit a
retraire. Nonobstant ce se tindrent la
tout le jour et la nuit ensuiant et les Englois
en leur garde. Les François qui estoient
en mer vindrent de l’autre maree devant
le havene de Calais et la entrerent.
SHF 1A-782 sync La mort du vaillant chevalier le cap
tal de Beus.
Bien avéz oy cy dessus recorder
comment messire Jehan de Grelli,
captal de Beus, fu pris devant Subise et
emprisonné en la tour du Temple a Paris.
Le roy d’Engleterre en son vivant et son
vivant eussent voulentiers veü sa deli
vrance et en avoit esté grant parlement
a Bruges et eussent voulentiers rendu
les Englois en nom d’eschange le joenne
conte de Saint Pol et III ou IIII chevaliers
mais le roy de France ne son conseil ne
le vouldrent consentir mais lui fist dire
le roy par le grant prieur de France, en
qui garde il estoit, s’il vouloit jurer que
jamais ne se armeroit contre la cou
ronne de France, on descendroit a sa deli

vrance. Le Captal respondy que jamais
ne feroit ce serement pour mourir en prison.
Ainsi demoura en prison soubz estroitte
garde V ans. Et y eut petit de joie car il
prist la prison en petite patience. Si y fu
tant qu’il mouru et le fist le roy de France
enterrer reveremment et faire son obseque
solempnelment et y eut pluseurs prelas,
barons et chevaliers de France. Ainsi af
foiblissoient les cappitaines d’Engleterre.
Car sur celle annee estoit trespassé le
sire Despensier, un grant banneréz d’Engleterre
et seür chevalier de lui demourerent
et de madame sa femme, qui fu fille messire
Berthelemy de Bruves I filz et IIII filles.
Asséz tost aprés la mort du dit Captal,
qui tant avoit esté preux chevalier, se
acoucha la royne de France d’une fille qui
fu nommee Marie.⁴² En celle gesine prist la
royne une maladie dont elle mouru. Ceste
royne qui avoit esté plaine de moult de
bonnes vertuz fu fille au gentil duc de
Bourbon monseigneur Pierre qui mouru en la
bataille de Poitiers. Le roy fist son obseque
en l’abbaie de Saint Denis, ou elle fu ense
pulturee moult solempnelment. Et y
furent priéz tous les nobles et prelas de
France voire ceulx des marches prouchai
nes de Paris.
SHF 1A-783 sync Comment le duc de Bourgoingne prist
la forteresse d’Arde et pluseurs autres en Picardie.
Toute celle saison messire Hue de
Cavrelay cappitaine de Calais, messire
Jehan de Harlestonne cappitaine de Guines,
le sire de Gommegnies cappitaine d’Arde si
faisoient moult de chevauciees en Picardie
toutes les sepmaines III ou IIII fois et
couroient souvent devant Saint Omer,
Arques, Montonne, Fiennes et la environ
jusques a Bouloingne et pres de Therou
enne. Especialment la garnison d’Arde fist
moult d’ennuis, dont les plaintes vindrent
souvent au roy de France, lequel demanda
par quelle voie on la pourroit constraindre.
Et lui fu respondu : "Sire, la garnison
d’Arde n’est mie si treffort que on ne la
puist bien avoir." Le roy dist : "Pour le ravoir,
se on pouoit, ne voulons nous riens es
pargnier." Depuis ne demoura guerres pb 255 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.