The Online Froissart

Facsimile mode Settings Browse | Collate

pb 256 r

se rendissent ou tous seroient mors s’ilz
estoient pris par force. C’estoient les
promesses que le connestable promettoit
par coustume. Les Navarrois veoient
leurs vivres deffaillir et sentoient le roy
de Navarre trop loing d’eulx rendirent
la forteresse, si furent conduiz a Chierbourc
et emporterent leurs biens. La forteresse
fu abatue et rasee par terre qui maint
denier avoit cousté a faire. Et aussi les
murs et tous les tours de la ville de
Pont Audemer furent abatues. Puis
vindrent les François assegier la for
teresce de Mortaire. Et y s’istrent grant
temps mais ceulx dedens qui ne veoient
nul secours apparant du roy de Na
varre. Et aussi les autres forteresces
navarroises n’estoient mie fortes pour
resister aux François. Si se rendirent
en telle maniere comme ceulx de Pont
Audemer avoient fait. Et sachiés que
celle propre saison le connestable mist
en l’obeissance du roy de France villes,
chasteaux et forteresces et furent tous les
chasteaux de la conté d’Evreux ruéz par
terre et toutes les bonnes villes descloses.
Afin que jamais guerre ne peust sourdre
au royaume de France de chastel ne for
teresce que le roy de Navarre tenist en la
conté d’Evreux. Aussi y fist courir le roy
de France les gabelles et subsides ainsi
que elles couroient parmi le royaume
de France.
SHF 1A-790 sync D’autre part, le roy d’Espaigne fist
entrer ou royaume de Navarre
son frere le bastart d’Espaigne atout
grans gens d’armes. Lesquelx commen
cierent a exillier le paÿs et a gaignier
villes et chasteaux et ne pouoit estre
le roy de Navarre fors pour resister a l’en
contre. Lors signifia le roy de Navarre
son estat au roy Richart d’Engleterre
afin qu’il lui voulsist aidier pour re
sister a l’encontre du roy de France en sa
conté d’Evreux. Et il de sa personne
demouroit en Navarre pour garder
ses villes et forteresses a l’encontre du
roy d’Espaigne. Pourquoy le roy Richart
par le conseil qu’il eut lui envoia messire

Robert le Roux atout une route de gens
d’armes et d’archiers lesquelx descendirent
a Chierbourc. Et aussi s’i estoient recueilli
tous ceulx des forteresses de la conté d’Evreux
qui avoient esté gaingnees du connestable
de France. Quant ilz furent tous ensemble
en la dicte forteresse, il y eut belle et grosse
garnison et toutes gens d’armes d’eslite et
pourveirent ycelle forteresce de vivres car
ilz pensoient la estre assegiés. Quant le
connestable le sire de la Riviere atout
leur grosse route eurent tout l’esté ostoié
parmy la conté d’Evreux et qu’il n’y eut
riens demouré appartenans au roy de
Navarre que tout ne feust descloz et en
l’obeissance du roy de France, ilz vindrent
devant Chierbourc, un beau chastel fort
et noble, lequel fonda premierement
Julius Cesar quant il conquist Engleterre
et est un port de mer. Les François l’asse
gierent de tous costéz fors que par la mer
et si amenagierent et pourveirent pour
demourer sans partir devant qu’ilz l’eussent
pris. Messire Robert le Roux et sa route
faisoient mainte saillie de jour et de nuit
et n’esoit nul jour que on n’estoit escar
muchié. Et n’y requistrent onques les
François afaire d’armes qu’ilz ne trouvas
sent bien a qui. Et y eut moult combatu
jouste par fer de glaive pluseurs mors et pris
tant d’un costé comme d’autre, le siege
pendant qui dura tout le remenant de
l’esté. Messire Olivier Claquin frere au con
nestable se mist en embusche en murailles
anciens et ruineux léz la dicte forteresse.
Puis fist commencier une escarmuche
aux bailles et furent les François re
boutéz des Englois et reculé jusques a
l’embusche du dit messire Olivier, lequel
avec sa sieute sailli hors le glaive en la
main et couru avisé de ce que il et les
siens devoient faire sur les Englois
et Navarrois fierement. La eut dur
encontre tant d’un léz comme d’autre
Et y eut maint vaillant homme reversé
par terre, mort, navré, pris et rescous.
Finablement messire Olivier Claquin fu
pris et fiancé prisonnier d’un escuier
navarrois appellé Jehan le Coq, appert pb 256 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.