The Online Froissart

Facsimile mode Settings Browse | Collate

pb 256 v

hommes d’armes. Et fu tiré dedens Chierbourc.
Si fina l’escarmuche plus au dommage
des François que des Englois. Et fu le dit
messire Olivier envoié en Engleterre et de
moura grant temps prisonnier a Londres.
Puis fu raençonné a grant mise. Ainsi
demourerent les François devant Chierbourc
jusques bien avant en l’iver a petit de
conquest. Si considererent qu’ilz gastoient
leur temps et que Chierbourc estoit im
prenable et que tout rafreschissement
tant de vivres comme de gens d’armes
leur pouoit venir par mer. Par quoy les
François se deslogierent et mistrent
bonnes garnisons a l’encontre de Chier
bourc. C’est assavoir a Montbourc, au
Pont d’Ouve, a Karenton, a Saint Leu et
a Saint Sauveur le Viconte. Puis donna
le connestable congié a tous ceulx de sa
route, si se retrait chascun en son lieu
et fu en l’an mil CCC LXXVIII.
SHF 1A-791 sync Comment le duc de Lencastre assist la
ville de Saint Malo en Bretaigne.
Vous avéz bien cy dessus oy comment
le duc de Bretaigne s’estoit partiz
de Bretaigne et amené avec lui sa femme
en Engleterre, si demourerent en leurs
terres qu’ilz avoient ou dit royaume
que on appelloit la conté de Richemont.
Et mettoit le duc grant paine a avoir
aide du joenne roy Richart d’Engleterre
pour requerre son paÿs qui estoit tourné
françois mais il n’en pouoit estre oy. Ce
pendant avint que le duc de Lencastre
fu enforméz que se il venoit en Bretaigne
atout une bonne armee, il aroit aucuns
fors qui se renderoient a lui. Par especial
Saint Malo de Lille, une belle forteresce
et havene de mer. Lors de duc de Lencastre
mist suz une grosse armee et vint a
Hantonne. La fist appareillier vaisseaux
et pourveances si entra en mer atout
foison de seigneurs et gens d’armes d’En
gleterre et d’archiers et fu en celle route
de Haynau le Chanoine de Robersart.
Tant nagierent qu’ilz arriverent a
Saint Malo. Sitost qu’ilz furent venuz
a terre, ilz yssirent de leurs vaisseaux
et deschargierent toutes leurs pourveances.

Si se trairent devant la ville de Saint
Malo et y bastirent siege de tous costéz.
Ceulx de la ville ne furent mie trop
effraiéz car ilz estoient bien pourveuz
de vitaille, de gens d’armes et d’arbalestiers
qui vaillemment se defendirent. Et y fist
le duc un grant temps. Quant le con
nestable de France et le sire de Cliçon le
sceurent, ilz firent un grant mandement
de tous costéz et vindrent devers Saint
Malo pour lever le siege. Et cuidoit on
pluseurs fois que bataille se deust faire entre
les II parties. Et furent les Englois
plusieurs fois tout ordonné pour com
batre, mais onques le connestable de
France ne le sire de Cliçon ne approu
chierent si pres que bataille se peust
faire entre eulx. Et dont quant les
Englois eurent la sis un grant temps
et qu’ilz virent bien que ceulx de la ville
n’avoient nulle voulenté d’eulx rendre,
le duc de Lencastre eut conseil de deslogier
car il veoit bien que la perdoit son
temps. Si entra en mer et retourna
en Engleterre. Et congea toutes manieres
de gens d’armes et s’en rala chascun
en son lieu.
SHF 1A-792 sync Comment la forteresse d’Auroy en Bretai
gne se tourna françoise.
Encore estoit le chastel d’Aulroy en
la saisine du duc de Bretaigne
qui tout quoy estoit en Engleterre. Si
y envoia le roy de France pluseurs seigneurs
de France et de Bretaigne et y fu siege
miz grant et plenier et dura long
temps. Ceulx d’Auroy, qui ne virent
apparant de nul costé d’estre secouru,
entrerent en traitié par condition s’ilz
n’estoient conforté du duc de Bretaigne
et du roy d’Engleterre fort asséz pour
tenir la place dedens certain jour denommé,
ilz se devoient rendre. Ce traitié fu
entamé et accordé. Le jour vint, les François
tindrent leur journee. Nul ne s’apparu
de la partie du duc de Bretaigne ne des
Englois. Si fu le chastel rendu et
miz en l’obeissance du roy de France,
aussi comme les autres chasteaux et
bonnes villes du paÿs de Bretaingne pb 257 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.