SHF 1A-795 sync Comment le roy Charles le quint envoia
a Montebourc messire Jehan de Vienne.
Quant le roy de France sceut ces nou
velles comment la garnison de
Montebourc et sa cappitaine estoient
mors et pris et que le paÿs estoit moult
effrayéz de celle desconfiture, le roy comme
sage et bien pourveu en tous ses affaires
y pourvei tantost de remede et envoia
sans delay a Montebourc grans gens
d’armes derechief pour garder les fron
tieres et les forteresces et le paÿs a l’encontre
de la garnison de Chierbourc. Et furent
chief de ces gens d’armes depar le roy
de France messire Jehan de Vienne et messire
Hustin de Vremelles. Et tindrent les
marches a l’encontre des Englois mais
depuis par l’ordonnance du roy de France
ilz abandonnerent Montebourc et tout
le clos de Constantin qui estoit le plus
gras paÿs du monde. Et fist on toutes
les gens hommes et femmes traire
hors du paÿs du dit clos et abandonnerent
villes, maisons et possessions et se re
trairent tous ces gens pardeça le clos
que on dist de Constantin. Et tindrent
les François frontiere au Pont, Dune, a
Carenton a Saint Leu, et par toutes les
forteresces sur l’enclos de Constantin. pb 259 r