The Online Froissart

Facsimile mode Settings Browse | Collate

pb 25 v

La bataille de Gaigant.
Quant les Englois virent la ville de
Gagant, ou ilz tendoient a venir
et combatre ceulz qui pardedens se tenoient,
si se aviserent qu’ilz avoient le vent et la
maree pour eulz et que ou nom de Dieu
et de saint George ilz approucheroient.
Dont firent ilz sonner leurs trompettes
et s’armerent et appareillierent vistement
et ordonnerent leurs vaisseaux et mistrent
les archiers devant et siglerent fort vers
la ville. Moult bien avoient les guettes
et les gardes, qui en Gagant se tenoient,
veü approuchier ceste grosse armee, sy
supposerent bien que c’estoient Englois,
pourquoy ilz s’estoient ja tous arméz et
rengiés sur les diques et sus le sablon
et miz leurs pennons par ordonnance
devant eulz et fait entr’eulx des nouve
aux chevaliers jusques a XVI et pouoient
estre environ VM tout compté, bien appers
bachelers et compaignons ainsi qu’ilz le
moustroient. Et la estoit mesire Guy de
Flandres, frere au conte Loÿs de Flandres,
un bon et seür chevalier, mais bastart estoit,
qui amonnestoit et prioit tous les com
paignons de bien faire. Et la estoient
messire Ducres de Halluin, mesire Jehan de
Rodes, mesire Gilles de la Tref, mesire Simon
et mesire Simon Brukedent, qui y furent
fais chevaliers, et Pierre d’Englemoustier
et maint compaignon, bacheler et escuier
et appers hommes d’armes. Si n’y ot
riens parlementé ne devisé entr’eulz. Car
les Englois, qui estoient en grant d’eulx
assaillir et ceulz de defendre, crierent leurs
cris et firent traire leurs archiers moult
fort et moult roide et tant que ceulz qui
la havene defendoient en furent si enson
niés que, voulsissent ou non, il les convint
reculer et en y ot du trait a ce premier
moult de mahaingniés. Et pristrent terre
les barons et les chevaliers d’Engleterre
et s’en vindrent combatre aux haches et
espees et glaives l’un a l’autre et la ot
pluseurs belles bacheleries et appertises d’ar
mes faites et moult vassalment se comba
tirent les Flamens. Aussi moult bache

lereusement les requistrent les Englois.
Et la fu moult bon chevalier le conte d’Erbi
et s’avança de premiers si avant qu’il fu
en lançant de glaives miz par terre. Et la
lui fu mesire Gautier de Mauny bon confort
car par appertises d’armes il le releva
et osta de tous perils en escriant : Lencastre
au conte d’Erbi! Et adont approuchierent
ilz de tous léz et en y ot pluseurs mehaigniés
et par especial plus des Flamens que des
Englois. Car les archiers d’Engleterre qui
continuelment traioient, leur porterent
trop grant dommage.
SHF 1-64 sync A prendre terre ou havene de Gagant
fu la bataille dure et fiere. Car
les Flamens qui la estoient et qui la ville
et la havene gardoient et defendoient,
estoient tres bonnes gens et de grans
appertises plains. Car par election le
conte de Flandres les y avoit miz et esta
blis pour garder ce passage contre les Englois,
si s’en vouloient bachelereusement aquitter
et faire leur devoir en tous estas ainsy
qu’ilz firent. La estoient les barons et les
chevaliers d’Engleterre, premierement le conte d’Erbi,
filz au conte Henry de Lencastre au Tort Col,
le conte de Sufborch, mesire Regnault de
Gobehen, mesire Loÿs de Beauchamp, messire
Guillaume filz Warine, mesire de Bercler, mesire
Gautier de Mauny et pluseurs autres
chevaliers et bachelers qui tresvassalment
se portoient et assailloient les Flamens.
La ot dure bataille et fort combatue car
ilz estoient main a main. Et la firent
les pluseurs moult de belles appertises
d’armes et de l’un léz et de l’autre. Mais
finablement les Englois obtindrent la
place et firent les Flamens desconfis
et miz en chace et en y ot plus de IIIM
mors que sus le havene que sus les rues
que es maisons. Et la fu pris mesire
Guy, le bastart de Flandres, et mors mesire
Ducres de Haluin et mesire Jehan de Rodais
et les II freres de Brukedent et mesire Gille
de le Trief et pluseurs autres environ
XXVI chevaliers et escuiers y furent
mors en bon couvenant. Et la fu la ville
prise, pilliee et robee et tout l’avoir aporté
et miz es vaisseaux avec les prisonniers pb 26 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.