The Online Froissart

Facsimile mode Settings Browse | Collate

de Mont Ventadour en Auvergne
qui est uns des fors chasteaulx
du monde, fu tray et vendu a
un Breton le plus cruel et has
tifs de tous les autres, qui se
appelloit Joffroy Teste Noire, et
je vous diray comment il l’ot.
Le conte de Ventadour et de Mon
pensé estoit I ancien et simple
preudomme qui plus ne se armoit,
mais se tenoit tout quoy en son
chastel. Ce conte avoit un escuier
a varlet qui se appelloit Poncet
du Bois, lequel l’avoit servi moult
longuement, et trop pou avoit
prouffité avec lui, et veoit que
nul prouffit ne d’or ne d’argent
avoir il n’y pouoit, si s’avisa d’un
mauvais avis qu’il se paieroit,
et fist un traitié secret a Joffroy
Teste Noire qui se tenoit en Limo
sin et tant qu’il devoit livrer le
chastel de Ventadour, ainsi qu’il
fist pour VIM frans, mais bien
mist en son marchié que a son
maistre le conte de Ventadour
on ne feroit nul mal.

Ains le
mettroient hors du chastel de
bonnairement et lui rendroient
tout son arroy. Ilz lui tindrent
ce convenant, oncques les Bre
tons et les Englois qui dedens
entrerent ne firent nul mal
au conte ne a ses gens, et ne re
tindrent fors les pourveances
et l’artellerie dont il y avoit
grant foison. Si s’en vint ce conte
de Ventadour, sa femme et ses
enfans demourer a Montpensier

deléz Eaue Perse en Auvergne.
Et ce Joffroy Teste Noire et ses
gens tindrent Ventadour, par
lequel ilz adommagierent moult
le paÿs, et prindrent plusieurs
fors chasteaux en Auvergne,
en Roergue, en Limosin, en Quersin,
en Chevaldam, en Bigorre et en
Agenois, tout venant l’un de
l’autre. Avec Joffroy Teste Noire
avoit plusieurs autres cappitaines
qui faisoient moult de grans
appertises d’armes, et prist
Hemerigot Marcéz un escuier
de Limosin un fort chastel appellé
de Calusel seant en Auvergne
en l’eveschié de Clermont. Cest
Hemerigot qui se tenoit englois
avec ses compaignons, couroit
le paÿs a sa voulenté. Sy
estoient de sa route et cappi
taines des autres chasteaulx,
le bourc Carlat, le bourc eng
lois, le bourc de Champaigne, et
Remon de Sors, Gascoing et Pierre
de Bierne, Bernars. SHF 2-95 sync Comment Ameri
got Marcel Limosin soubz umbre de
la guerre des Englois prist pluseurs
forteresses en Auvergne. XIIIe chapitre.
Aymerigot Marcel chevau
çoit une fois, lui XIIe de
compaignons tant seulement
a l’aventure, et prist le chemin
pour venir a Aloise deléz Saint
Flour, qui est un beau chasteau
de l’evesque de Clermont.

Bien
savoit que le chasteau n’estoit
point gardéz fors du portier
seulement. Ainsi qu’il chevauçoit pb 273 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.