The Online Froissart

Facsimile mode Settings Browse | Collate

pb 273 r

a la couverte tout quoiement de
vant Aloise Aimerigot regarda
et voit que le portier seoit sur
une tronce de boys au dehors du
chastel. Adont dist la un Breton
qui trop bien savoit jouer de
l’arbaleste : "Vouléz vous que je
vous rende tout mort ce portier
et du premier coup ? " "Oyl," dist
Hemerigot, "je t’em pry. " Cel arba
lestier encoche et tray un carrel,
et assena le portier de droite
visee en la teste, et lui embarre
tout dedens. Le portier qui estoit
navréz a mort se senty feru
et rentra en la porte, et cuida
fermer le guichet en entrant
mais il ne pot, car il chey la
tout mort. Hemerigot et ses
compaignons se hasterent, et
vindrent a la porte et entrerent
ou guichet, si trouverent mort
le portier et sa femme estoit tou
te esgaree deléz lui, a laquelle
ilz ne firent nul mal, mais
lui demanderent ou estoit le
chastellain. Elle respondi qu’il
estoit a Clermont. Les compai
gnons asseurerent la femme
de sa vie, afin qu’elle leur
baillast les clefs du chastel et
de la maistre tour. Elle le fist
car en elle n’avoit point de de
fence, puis la mistrent hors
et lui rendirent toutes ses choses
voire ce que porter en pot, si
s’en vint a Saint Flour, une cité
a une lieue de la. Les gens du
paÿs furent moult esbahis

quant ilz sçorent que le chastel
de l’Aloise estoit englois. Asséz
tost aprés reprist Hemerigot
Marcel le fort chastel de Valon
et l’embla par eschiellement, et
quant il fu dedens le cappitaine
dormy en la grosse tour, qui
n’estoit mie a prendre de force.
Car par celle tour se pouoit
tout le chastel recouvrer. Adont
s’avisa Hemerigot d’un soutif
tour, car il tenoit le pere et la
mere du chastellain, et les fist
venir devant la tour, et

leur
fist semboit qu’il les feroit la
decoler se leur filz ne rendoit
la tour. Les bonnes gens doub
toient la mort. Si distrent a leur
filz qui estoit en la tour que il
lui preist pitié d’eulx, et plou
roient tous deux moult ten
drement. L’escuier se ratendry
grandement, et n’eust jamais
son pere et sa mere laissié morir.
Si rendy tantost la tour, et
on les bouta hors du chastel.
Ainsi fu Valon englois qui
moult greva le paÿs, car
toutes manieres de gens qui
vouloient mal faire se retrai
oient la, ou a Calusiel a deux
lieues de Limoges, ou a Carlat,
ou a l’Aloise, ou a Ventadour
ou en plusieurs autres chasteaux.
Et quant ces garnisons s’as
sembloient, ilz pouoient bien
estre VC ou VIC lances, et cou
roient tout le paÿs et la terre
au conte daulphin qui leur estoit pb 273 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.