The Online Froissart

Facsimile mode Settings Browse | Collate

pb 280 r

tantost aviséz de respondre et dist :
"Que nous oions de paroles pour
un munier ! Dictes", ce dist le bailli
a ceulx de Gand qui s’appelloit
Rogier d’Auterive "que se c’estoit
un bien riche homme VI fois
plus que ce ne soit, si ne sera il
jamais hors de nostre prison, se
monseigneur de Flandres ne le commande.
J’ay bien puissance de l’arrester,
mais je n’ay nulle puissance
du delivrer." Ceste responce fu
recordee a ceulx de Gand. Pour
telles incidences et pour ceulx de
Bruges qui vouloient fossoier
sur l’eritage

de ceulx de Gand
souffroient les riches et sages
de Gand a courir parmy la
ville et sur le paÿs celle ribau
daille et pendaille que on
nommoit les Blans Chaperons
pour estre plus doubtéz et
renomméz, car il besoingne bien
a un lignage qu’il y ait des
folz et oultrageux pour sous
tenir les paisibles. SHF 2-106 sync Et furent
ceulx de Gand moult troubléz et
disoient que par estre trop mol
les franchises de Gand se pour
roient perdre qui estoient sy
nobles. Jehan Lion, qui ne tendoit
que a autre chose que de entoueillier
la ville de Gand envers le conte
de Flandres que on ne peust ne
sceust destoueillier sans trop
grant dommage, n’estoit mie cour
rouciés de tels avenues, mais
vouloit bien que tous les jours
il en venist XXX, boutoit paroles

de costé et semoit couvertement
aval la ville de Gand et disoit :
"Onques puis que offices furent
a tache en une ville, les juriditi
ons ne furent plainement gardees."
Et mettoit ces paroles avant pour
Guisebrecht Mahieu, et vouloit
dire qu’il avoit mieulx que a
tache l’office des rivieres et du
naviage, car il avoit bouté la
navie en une nouvelle debte, qui
estoit grandement contre la fran
chise de Gand et le prejudice ancien,
car le conte de Flandres recevoit
chascun an III ou IIIIM frans hors
de l’acoustumance ancienne, dont
les marchans et les navieurs
anciens se plaingnoient grande
ment, et resongoient ja a venir
a Gand ceulx de Valenciennes, de
Douay, de Lille, de Bethune et de
Tournay, et estoit une chose par
quoy la ville de Gand pourroit
estre encore perdue, car petit a
petit on leur touldroit leurs
franchises, et si n’y avoit homme
qui en osast parler. Guisebrecht
Mahieu et le doyen des menuz
mes

tiers qui estoit de son aliance
orent tous les jours telz paroles
a leurs oreilles, et recongnoissoi
ent qu’ilz venoient de Jehan Lion,
mais ilz ne pouoient y remedier,
car Jehan Lion avoit ja seméz
tant de Blans Chaperons aval la
ville et donnéz aux compaignons
hardis et oultrageux que on ne
l’osoit assaillir, et aussi Jehan Lion
n’aloit mie seul, car quant il pb 280 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.