et leur dictes que je et la bonne ville
de Gand venons cy non pour eulx
guerroier, ou cas qu’ilz nous ou
vreront debonnairement les portes
et nous rapportéz s’ilz nous vouldront
estre amy ou ennemy." Si se depar
tirent de la grosse route ceulz qui
ordonnéz y furent et vindrent aux
bailles de Bruges et les trouverent
fermees et gardees. Ilz firent leur
message aux gardes, lesquelx l’ale
rent dire aux burguemaistre et
juréz de la ville, et assemblerent
sur ce a conseil le burguemaistre
et les juréz. Les Gantois qui estoient
aux bailles orent responce qu’on
aloit a conseil sur leurs requestes,
et quant Jehan Lion sçot ce, il dist :
"Avant ! avant ! alons de fait a Bruges.
Se nous attendons tant qu’il soient
conseilliés nous n’y enterrons a
paines, si les vault mieulx surpren
dre." Lors vindrent les Gantois jusquez
aux barrieres de Bruges. Quant
ceulx qui gardoient le pas qui n’estoit
pas si fort adont comme il est a present
virent venir les Gantois en couve
nant pour assaillir, ilz furent tous
effraiés et s’en alerent les aucuns
parmy la grant rue jusques au
marchié criant : "Veéz cy les Gantois !
Or tost aux defences !" Ceulx de Bru
ges, qui s’assembloient ou marchié
pour eulx conseillier, furent esbahiz
et n’orent loisir les grans maistres
de parler ensemble ne de ordonner
nulles de leurs besoingnes, et vou
loient la greigneur partie de la
commune que tantost on leur alast