The Online Froissart

Facsimile mode Settings Browse | Collate

pb 286 r

Si appellerent aucuns de leurs
gens et dirent : "Tenéz vous a nuit
et demain arméz, ne pour chose
que on vous die n’ostéz point voz
chaperons, et soiés tous ou Marchié
aux Devenres a VIII heures," et
ilz y vindrent le lendemain et s’i
tindrent, cy X, cy XII, et le conte
vint la a cheval. Si descendy et se
mist en une fenestre ou il parla
moult sagement et remoustra
l’amour qu’il avoit a eulx avant
qu’ilz l’eussent courroucié et plusieurs
poins raisonnables et dist qu’il
vouloit demourer leur bon sire
comme par avant, et les vouloit
tenir en droit, mais il leur prioit
que riens ne feissent de nouvel
et que les Blans Chaperons feussent
jus. Et quant il ot parlé plus
d’une heure, il retourna a son
hostel moult melancolieux de
ces Blans Chaperons et dist a ses
gens que encore pour tout perdre
il ne les pourroit soufrir en leur
orgueil.

SHF 2M-130 sync Comment le conte se party
de Gand par mautalent, et com
ment Rogier d’Auterive envoia
deffier ceulx de Gand. XXIXe.
Ainsi fu le conte de Flandres
a Gand IIII jours et au Ve
s’en party et onques puis n’y ren
tra et s’en vint a Lisle et la s’ordonna
pour yverner et se party de Gand
par mautalent, dont plusieurs
Gantois disoient que jamais il
ne les ameroit et se pourveirent
de blés d’avoine de chairs de sel
et d’autres pourveances. SHF 2M-131 sync Ne de

moura gueres puis que messire
Olivier de Hauterive, cousin germain
a Rogier d’Auterive que ceulx de
Gand avoient occis, envoia deffier
la ville de Gand pour la mort de
son cousin. Aussi firent messire Phelippe
de Mamines, le Galois de Mamines
et plusieurs autres, et tantost ces def
fiances faites, ilz trouverent envi
ron XL navieurs de Gand qui a
menoient par l’Escaut blefs a Gand.
Ilz les decoperent et creverent
les yeux et les renvoierent ainsi
a Gand. Et dont Jehan Prouniaux
prist la greigneur partie des
Blans Chaperons et se parti un
soir de Gand et se vint bouter en
la ville d’Audenarde, ou il n’avoit
nulle garde, si fist abatre deux
portes, les tours et les murs au
léz devers Gand. SHF 2M-132 sync Le conte manda
a ceulx de Gand qu’ilz lui rendis
sent Audenarde ou il leur feroit
cruelle guerre, si que aucuns preu
dommes de Gand qui desiroient
paix firent tant que le XIIe jour
de mars ceulx qui estoient en la
ville d’Audenarde s’en partirent
et fu la ville rendue aux gens du
conte. Et fu Jehan Prouniaulx
banny de Gand et de Flandres
pour ce qu’il estoit aléz prendre
Audenarde sans le sceu de ceulx
de Gand, et furent bannis de Flan
dres a tousjours tous ceulx qui
avoient esté a mehaignier les
navieurs bourgois de Gand. SHF 2M-133 sync Le
conte de Flandres fist reparer
Audenarde portes, tours

et murs pb 286 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.