The Online Froissart

Facsimile mode Settings Browse | Collate

pb 28 r

le marquis de Julliers et sa compaignie,
si signfia et escript par certains chevaliers
au roy Edouart sa revenue et lui manda
aussi que, Dieu mercy, il avoit tresbien
exploitié. De ces nouvelles fu le roy englois
tout joieux et rescripsi au dit marquis
que a la Saint Martin il fust devers
lui et que a ce jour tous les autres seigneurs
y seroient. Avec tout ce, le roy englois se
conseilla au duc de Brebant son cousin
et demanda ou il vouloit que ce parle
ment se tenist. Le duc fu avisé de respon
dre et ne voult mie adont que ce fust
en son paÿs et si ne voult mie aler
jusques a Tret ou la journee eust esté
bien seant, pour la cause des seigneurs
de l’Empire et avisa et ordonna et voult
qu’elle fust assise a Herkes qui siet
pres de son paÿs en la conté de Los. Le
roy englois sachiés avoit si grant desir
de sa besoingne avancier qu’il lui cou
venoit poursuir et attendre tous les
dangiers et les voulentéz du duc son
cousin, puisqu’il se estoit embatus et
se accorda a ce que la journee fu assi
gnee a Herques. Si le fist savoir a tous
ses aliés, qui tous y vindrent a son
mandement au jour de la Saint Martin.
Quant tous furent la venus, sachiés
que la ville fu durement plaine des
seigneurs, de chevaliers et d’escuiers et de
toutes autres manieres de gens et fu
la halle de la ville la, ou on vendoit
pain et chair qui gaires ne valoit,
encourtinee de beaux draps comme
la chambre du roy. Et fu le roy englois
assiz, la couronne d’or moult riche et
moult noble sur son chief, plus haut
V piés que nulz des autres, sur un
banc de un bouchier, la ou il tailloit
et vendoit sa chair. Onques celle halle
ne fu a si haulte honneur. La endroit
pardevant tout le peuple qui la estoit
et pardevant tous les seigneurs fu
rent leues les lettres de l’empereur
par lesquelles il constituoit le roy
Edouart d’Engleterre son vicaire et son
lieutenant pour lui et lui donnoit pouoir
de faire droit et loy a chascun ou nom

de lui et de faire monnoie d’or et d’argent
aussi ou nom de lui et commandoit par
ces dictes lettres a tous les princes de son
empire et a tous autres a lui subgiés
qu’ilz obeissent a son vicaire comme a
lui meismes et feissent feauté et hommage
comme au vicaire de l’Empire. Quant ces
lettres furent leues chascun des seigneurs
fist feauté et hommage et serement
au roy englois comme au vicaire de
l’empereur. Et tantost la endroit fu clamé
et respondu entre parties comme devant
l’empereur et jugié droit a la semonce
de lui. Et la fu endroit renouvellé et
affermé un jugement et estatu, qui
avoit esté fait en la court l’empereur du
temps passé, qui telz estoit. Que qui vouloit
autrui grever ou porter dommage il
le devoit deffier souffisaument III jours devant
son fait. Et qui autrement le feroit, il
devoit estre attains comme de mauvais
et de villain fait. Cest estatu sembla bien
estre raisonnable a chascun mais je ne
croy mie que depuis il ait esté partout
bien gardéz. Quant tout ce fu fait
les seigneurs se departirent et crean
cierent les uns aux autres de estre
appareilliés sans delay toutes leurs
gens, ainsi que couvenancié estoit, III
sepmaines aprés la Saint Jehan pour
aler devant Cambray, qui doit estre de
l’Empire et estoit tournee devers le roy
de France. SHF 1-71 sync De monseigneur Loÿs Trancheu.
Ainsi se departirent ces seigneurs,
chascun en rala en son lieu. Et le
roy Edouart, vicaire de l’Empire, s’en revint
a Louvaing deléz madame la royne sa
femme, qui nouvellement estoit la venue
a grant noblesce et bien acompaignie de
dames et de damoiselles d’Engleterre. Se s’en
tindrent a Louvain leur tinel moult
honnorablement tout cel yver et fist
faire monnoie d’or et d’argent en Anviers,
a grant foison. Mais pour ce, ne laissa
le duc de Braibant de renvoier devers
le roy de France soingneusement, monseigneur
Loÿs de Trancheu, son plus conseillier
en lui excusant en lui excusant. En la
fin, il le fist demourer deléz le roy et lui pb 28 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.