The Online Froissart

Facsimile mode Settings Browse | Collate

pb 28 v

et enjoingny expressement que tout il l’ex
cusast devers le roy et contredeist toutes
informations qui pouoient venir au dit
roy a l’encontre de lui. Le dit mesire Loÿs n’osa
escondire le commandement du duc son
seigneur. Ains en fist toudis bien son devoir
a son pouoir. Mais au derrain il en ot povre
guerredon car il en mouru en France de
dueil, quant on vit apparaument le
contraire de ce dont il excusoit le duc si
certainement et en devint si confuz qu’il
n’en voult onques depuis retourner en
Braibant. Si demoura tout quoy en
France pour lui oster de souspeçon tant
qu’il vesqui ce ne fu pas longuement,
si comme vous orréz en avant recorder
en l’istoire. SHF 1-72 sync Comment le roy Edouart et ses
aliés deffierent le roy de France Phelippe.
Or passa cel yver. L’esté revint. La
feste saint Jehan Baptiste aproucha.
Ces seigneurs d’Alemaigne s’appareillierent
pour achever leur emprise. Le roy de
France se pourvei a l’encontre. Car il sa
voit partie de leur entente comment qu’il
n’en fust point encore deffiéz. Le roy englois
fist faire ses pourveances en Engleterre
et ses gens d’armes appareillier et passer
pardeça la mer sitost que la Saint Jehan
fust passee et se ala tenir il meismes a
Vilevort et faisoit ses gens ainsi qu’ilz
apassoient oultre et qu’ilz venoient
prendre hostels en la ville de Vilevort. Et
quant la ville fu plaine, il les fist logier
contreval ces beaux prés selon la riviere
en tentes et en trefs. Et la se logierent
et demourerent de la Magdaleine jusques
a la Nostre Dame en septembre, en attendant
de sepmaine en sepmaine la venue des
autres seigneurs et par especial celle du
duc de Braibant, aprés qui tous les autres
s’attendoient. Quant le roy englois vit
que ces seigneurs ne venoient point, ne
appareilliés n’estoient, il envoia certains
messages vers chascun et les fist semondre
sur leur creant qu’ilz venissent sans nul
delay, ainsi que creancié avoient, et venissent
au jour de saint Gille pour parler a lui
en la ville de Malines et dire pourquoy ilz
tardoient tant. Le roy Edouart sejournoit

a Vilevort a grans frais, ce puet chascun
savoir et perdoit son temps, si lui emmuoit
moult et ne le pouoit amender. Il souste
noit tous les jours soubz ses frais bien
XVIC armeures de fer, fleur de gens tous
venus d’oultre mer et bien XM archiers
sans les autres poursivans a ce appartenant,
si lui pouoit bien ce peser avec le grant
tresor qu’il avoit donné a ces seigneurs
qui ainsi le detrioient par parolles, ce
lui pouoit bien sembler et avec les gran
des armees qu’il avoit establiz sur mer
contre Genevois, Normans, Bretons,
Picars et Espaignols que le roy Phelippe
faisoit gesir et nagier sur mer a ses
gaiges pour les Englois grever. Dont
mesire Hue Kierés, mesire Pierre Bahuté
et Barbenaires estoient amiraux et con
duiseurs pour garder les destrois et les
passages entre Engleterre et France. Et
n’attendoient ces dessus dis escumeurs
de mer autre chose que les nouvelles
leur venissent que la guerre fust ouverte
et que le roy englois si comme on supposoit
eust deffié le roy de France, qu’il entreroient
en Engleterre ou que ce fust. Si avoient
la avisé ou et comment pour porter au
paÿs grant dommage.
SHF 1-73 sync Ces seigneurs d’Alemaigne, a la
semonce du roy englois, le duc de
Braibant et mesire Jehan de Hainau
vindrent a Malines et se acorderent
communement aprés tout plain de paroles
que le roy englois pouoit bien mouvoir
a la XVme aprés ou environ et seroient
adont tous appareilliés. Et pour tant que
leur guerre fust plus belle et que bien
appartenoit de faire puisqu’ilz vouloient
guerroier le roy de France, ilz s’acorderent
a envoier les deffiances au roy Phelippe.
Premierement le roy Edouart d’Engleterre,
qui se fist chief de tous et de ceulx de son
royaume, ce fu raison. Aussi le duc de
Guerles, le marquis de Julliers, mesire
Robert d’Artois, mesire Jehan de Hainau,
le marquis de Misse et d’Eurient, le
marquis de Blanquebourch, mesire de
Fauquemont, mesire Ernoul de Kakehen,
l’arcevesque de Couloingne, mesire Galetan, pb 29 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.