et lui couvint dissimuler
voulsist ou non. SHF 2M-182 sync Quant le conte de Bou
quingen et les Englois orent esté
a siege devant Nantes II mois
et IIII jours, ilz s’en partirent
et cheminerent devers Vennes
pour aler parler au duc pour savoir
son entente, et firent tant par
leurs journees qu’ilz vindrent
logier a Saint Jehan, un villaige
seant a II petites lieues de Vennes,
et puis l’endemain si comme ilz
aloient devers Vennes, le duc
de Bretaigne qui y estoit pour
le present yssi contre eulx une lieue,
puis se mist decoste le conte et
chevaucierent tous ensemble de
vers Vennes. "Sainte Marie !", dist
le conte, "beau frere de Bretaigne,
que nous vous avons attendu
devant Nantes et si n’y estes point
venu !" Le duc s’excusa qu’il ne se
pouoit aidier de ses gens. Aprés
dist : "Monseigneur, il est maintenant
au plain de l’iver qu’il fait mau
vais ostoier. Vous venréz a Vennes
et vous y tenréz jusques au may
et nous revencherons a l’esté de
tous nos rebelles." Le conte vit bien
qu’il n’en aroit autre chose, si res
pondy : "Dieux y ait part !" Et l’emmena
le duc a Vennes, mais a l’entrer
dedens il couvint que le conte et
ses barons jurerent a ceulx de la
ville qui pour ce estoient yssus aux
champs, que XV jours aprés ce
qu’ilz en seroient requis, ilz se
partiroient de la ville. Ainsi fu
le conte logiés en la cité de Vennes,