The Online Froissart

Facsimile mode Settings Browse | Collate

pb 299 r

pardehors et faisoit voie a ses gens
qui entroient, et la fist foison d’ap
pertises d’armes, mais en la fin
il fu tres percié d’une longue picque
et occis, dont ceulx de Gand furent
moult courrouciés, car moult l’a
moient pour son sens et prouesse.
Quant le conte de Flandres vit
que les Gantois s’estoient amasséz
ou moustier, il y fist bouter le feu.
Ainsi furent ars ceulx qui dedens
estoient; et se ilz issoient

hors, on
les tuoit et regettoit ou feu. Jehan
de Launoy, qui estoit ou clochier,
crioit aux gens du conte : "Raençon !
Raençon !" et offroit sa tasse qui
estoit plaine de florins. Mais quant
il vit que on s’en mocquoit, et que
le feu montoit jusques a lui, il
sailli hors par les fenestres emmy les
gens du conte, qui le recueillirent
a glaives et a espees, et le getterent
ou feu. SHF 2M-203 sync De VIIM Gantois qui furent
a celle bataille, il n’en eschapperent
point IIIC. Ce jour estoient yssu de
Gand Pietre du Bois et Arnoul le
le Clerc atout VIM hommes et avoient
ars les forsbours de Courtray et aba
tu les moulins qui estoient aux
champs, et puis estoient retournéz
vers leurs gens. Mais ce fu trop
tart, car Pietre du Bois et Rasse
de Harselle avoient juré l’un a
l’autre celle matinee qu’ilz ne se
combatroient point au conte l’un
sans l’autre. Mais quand Rasse vit
l’ost du conte, il ne se pot abstenir
de livrer bataille tant estoit oultre
cuidié. Quant Pietre du Bois sçot

la desconfiture de Rasse de Harselle,
il se rebouta en la ville de Gand
a toute sa route. SHF 2M-204 sync Et le conte de
Flandres retourna a Bruges et
donna congié a tous ses gens.
Quand ceulx de Gand le sçorent,
ilz yssirent bien XVM et vindrent
assegier la ville de Courtray, par
l’esmouvement de Pietre du Bois qui
dist : "Ne nous refroidons point de
guerroier, mais moustrons que
nous sommes gens de fait." Si furent
devant Courtray par X jours, et
exillierent tout le paÿs d’entour.
Quant le conte l’entendy, il fist
son mandement et vint devers
Courtray a plus de XXVM hommes.

Comment le seigneur d’Angien et
ceulx de la partie du conte de Flan
dres occirent Arnoul le Clerc et
VIIC Blans Chaperons. XLVIIe.
Quant Pietre du Bois oÿ dire
que le conte de Flandres
venoit sur lui a plus de XXVM hommes,
il n’ot mie conseil de l’attendre a
Courtray ou il tenoit siege a XVM
Gantois, ains s’en party et ala
logier a Deuse et dist que la il
attendroit le conte, si signifia son
estat a ceulx de Gand, lesquelx lui
envoierent tantost encore XVM
hommes. Quant le conte fu venu
a Harlebeque deléz Courtray, il sçot
que les Gantois s’estoient retrait
a Deuse, si n’ot mie conseil adont
de les poursuivir, ains donna
congié a ses gens, et en laissa
une grant quantité a Courtray,
et renvoia le seigneur d’Angien pb 299 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.