The Online Froissart

Facsimile mode Settings Browse | Collate

pb 303 v

mais il leur coupoit piés ou testes
ou jambes et en occist XII sans
ceulx qu’il bleça et mehaigna,
mais finablement il fu aterréz
et tout decoupéz. Ce fu le jour
du Sacrement. Aprés sçorent ces
meschans comment ceulx de leur
sexte que Tieuller avoit menéz
a Londres furent esparpilliés et
dechaciés, si orent si grant paour
qu’ilz retournerent tantost en
leurs lieux, si fu Listier executéz
a mort a Stanfort, et Thomas
Baquier a Saint Albons, et les
III capitaines des premiers vilains
qui vindrent a Londres furent
a Londres executéz comme dit est.
Ces V capitaines avoient ordon
né entr’eulx que dedens les V
parties d’Engleterre ilz seroient
gouverneurs, mais or furent
en tel effroy que nul d’eulx n’osoit
venir plus avant.

SHF 2M-223 sync Comment le
duc de Lencastre fu en Escoce, et des
treves qui furent prises entre En
gleterre et Escoce. Le LIe chapitre.
Or vous parlerons du duc de
Lencastre qui estoit venuz
ou temps de celle rebellion, en l’ab
baie de Myauros sur la Rinde
c’est sur le departement d’Engleterre
et d’Escoce, et avoit mandé aux
Escos qu’il estoit la venus pour
traire sur marche, ainsi que de
usage avoient eu du temps passé.
Le roy Robert d’Escoce estoit a
Haindebourch avec lui les contes
de Douglas, de la Mare, et de Mou
ret, et plusieurs autres barons d’Escoce,

et s’estoient la assembléz pour ce
qu’ilz avoient pieça entendu que
le duc de Lencastre venoit celle
part pour traittier. Puis vindrent
le conte de Douglas et plusieurs barons
a Lamourbane a III petites lieues
pres du duc, et dura le parlement
plus de XV jours. Finablement
unes treves furent prises a durer
III ans entre les Englois et les
Escos, puis retourna le duc a
Bervich ou il avoit laissié ses
pourveances. Mais le capitaine
de la cité lui ferma les portes
et dist qu’il ne le pouoit laissier
entrer, car il lui estoit defendu
du conte de Northombrelant qui
estoit souverain regart de toutes
les frontieres et du paÿs de North
ombrelande. Le duc se dissimula
car il ne le pot amender, et s’en
ala a Rosebourc. La fu receu du
chastellain, car il meismes au
passer l’avoit la establi. SHF 2M-224 sync Puis
envoia le duc prier au conte de
Douglas qu’il le voulsist venir querir
ainsi qu’il lui avoit promis; et
tantost vindrent a l’encontre de
lui les III contes dessus nomméz
a VC lances et l’encontrerent
entre l’abbaie de Mauros et Rose
bourc, si le conjoïrent moult et
le menerent a Haindebourc et
le logierent ou chastel, et la se
tint un temps, jusques a tant
que autres nouvelles lui vindrent
d’Engleterre. Et en ce temps les
devant

nomméz communes avoient
semé aval Engleterre que le duc pb 304 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.