The Online Froissart

Facsimile mode Settings Browse | Collate

pb 309 r

qu’ilz n’orent onques fait que une
seule chevaucee et pris un chastel
en Espaigne, car le roy de Portin
gal leur defendoit moult fort
qu’ilz ne chevauçassent, et aussi
le conte de Cambruge, qui se tenoit
a Estremouse, attendoit le duc de
Lencastre qui lui avoit promis de
venir aprés lui en Portingal s’il
peust, a IIIM hommes d’armes et
autant d’archiers. Toutesvoies
le conte de Robersart et bien IIIIC
lances et autant d’archiers se
partirent de leur garnison de
Viconse, et prindrent le chemin
de Sebille et vindrent assaillir
I chastel et bonne ville que on
dit Le Bain. SHF 2M-250 sync La n’avoit nulles
gens d’armes en garnison fors
que les hommes de la ville qui
estoient moult mal arméz, mais
ilz estoient a leurs defenses
et avoient lances et gavrelos
et archigaies, dont ilz traioient,
lançoient et se defendoient contre
les Englois qui vindrent aux
murs, car il n’avoit point d’eaue
es fosséz. Ceulx dedens doubtoient
estre pris a force, si se rendirent
sauve leurs vies et leurs biens et pro
mistrent qu’ilz demourroient en
l’obeissance du roy de Portingal.
Ainsi furent receus, si entrerent
en la ville tous les Englois et
se refreschirent. L’endemain as
saillirent le chastel par grant
force et ceulx dedens se defendirent,
mais ceulx dedens se rendirent
bien tost sauf leurs vies. On les

reçut et refreschirent les Englois ce
chastel de bonnes gens d’armes et
d’archiers. Puis vindrent les Englois
au chastel de la Courasse a VI lieues
de la, si le prindrent par force et fu
le cappitaine qui

Radigos avoit nom
occis aux crenaux d’une flesche
et tantost aprés fu le chastel conquis
et mors les plus de ceulx dedens
et fu le chastel refreschi d’Englois.
SHF 2M-251 sync Aprés vindrent les Englois a X
lieues pres de Sebille, a la ville de
Jaffre, laquelle est mal fermee.
Si fu gaingnee de venue, mais ceulz
dedens s’estoient retrait en un grant
moustier qui estoit fort asséz, lequel
en une heure fu pris par assault,
et la ot grant pillaige pour ceulx
qui premiers y entrerent et moult
d’ommes mors. Puis vindrent
les Englois en uns maréz qui la
sont, ou il avoit plus de XXM
bestes, porcs, buefs, vaches et bre
biz, si chacerent devant eulx celle
proie, et retournerent a Viconse.
SHF 2M-252 sync Aprés envoierent ces Englois
au roy de Portingal pour estre
paiés de leurs gaiges, mais le
roy leur remanda qu’ilz avoient
chevaucié oultre sa defence de
quoy il lui desplaisoit, si avoient
retardé leur paiement, et n’en
porent les Englois avoir autre
chose. Celle sepmaine se party
le conte de Cambruge d’Estremouse
et s’en vint a Ville Viconse logier
en une eglise de Cordeliers au de
hors de la ville. SHF 2M-253 sync Entre les chevaliers
englois avoit de petis compaignons pb 309 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.