il n’ot en toute l’annee. Nouvelles
avolerent a Bruges que les Gantois
estoient venus a la pourcession.
Lors disoient l’un a l’autre : "Que at
tendons nous que nous ne les alons
combatre ?" Quant le conte sçot que
les Gantois estoient venus, il dist :
"Veéz la foles gens et oultrageux !
Male mescheance les manie bien.
Jamais pié n’en eschappera. Or arons
fin de nostre guerre." Adont oÿ le conte
sa messe, et toujours venoient
chevaliers de Flandres, de Haynau
et d’Artois qui le servoient devers
lui, et ainsi qu’ilz venoient, il les
recevoit bellement. Adont fu or
donné que on envoieroit III hommes
d’armes chevauceurs pour aviser
le couvenant des Gantois. Sy
furent du mareschal de Flandres
pour ce envoiés III vaillans escuiers,
Lambert de Lambres, Damos de Bus
si et Jehan de Beart, ceulz partirent
de Bruges montéz sur fleurs de
coursiers, et chevaucierent vers
les ennemis. Ce samedy matin
Phelippe d’Artevelle ordonna que
toutes gens se mistrent envers
Dieu en devotion et que messes
fussent en plusieurs lieux chantees,
car ilz avoient des religieux
en leur compaignie, et que aussi
chascun se confessast et meïst en
estat deu, ainsi comme gens atten
dans la grace de Dieu, si furent
celebrees en l’ost VIC messes, et a
chascune ot sermon, lesquelx ser
mons durerent plus de heure et