Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
New York M804
Previous | Folio 31 r | Next
pb 31 r

mareschaus de l’ost englesce le conte de Norhan
tonne et de Clocestre et le conte de Sufforc. Et
estoit connestable d’Engleterre le conte de War
vich et passerent asséz pres du Mont Saint
Martin les Englois, les Alemans et les Bre
bançons la riviere d’Escaut tout a leur aise
car elle n’est mie la endroit trop large.
SHF 1-79 sync Quant le conte de Hainaut ot conduit
et acompaignié le roy d’Engleterre
jusques au departement de l’Empire et qu’il
devoit passer l’Escaut et entrer ou royaume,
il prist congié a lui et lui dist tant que a
celle fois il ne chevauceroit plus avec lui
et qu’il estoit priés et mandéz du roy de
France son oncle, a qui il ne vouloit point de
hayne mais l’iroit servir ou royaume
en telle maniere comme il l’avoit servi en
l’Empire. Et le roy lui dist : "Dieux y ait part."
Dont se party le conte de Hainau du roy d’En
gleterre et toutes ses routes et le conte de
Namur avec lui et s’en revindrent arriere
au Quesnoy. Et donna le conte congié a la
plus grant partie de ses gens. Mais il leur
dist et pria qu’ilz fussent tous pourveus.
Car il vouloit aler dedens brief temps devers
le roy son oncle. Et ilz lui respondirent que
aussie seroient il. Or parlerons du roy
d’Engleterre et de tous ses aliés com
ment ilz entrerent la premiere fois
ou royaume de France a grant armee.
Sitrestost que le roy d’Engleterre ot
passé la riviere d’Escaut et il fu
montéz sus le royaume de France, il appella
Henry de Flandres, qui estoit adont joenne
escuier, et le fist chevalier et lui donna CC livres
de revenue a l’estrelin chascun an et lui
assigna bien et souffisamment en Engleterre. Depuis
vint le roy logier en l’abbaie du Mont Saint
Martin et la se tint par II jours et toutes
les gens estoient espars sus le paÿs environ
lui. Si estoit le duc de Braibant logié en
l’abbaie de Vancelles. Quant le roy de France,
qui se tenoit a Compiengne, entendy ces
nouvelles que le roy englois approuchoit
Saint Quentin et estoit logiés sur le royaume,
il renforça son mandement partout et envoia
son connestable le conte Raoul d’Eu et de
Guines atout grans gens d’armes a Saint
Quentin pour garder la ville et la frontiere

sur les ennemiz et renvoia le seigneur de Coucy
en sa terre et le seigneur de Hen en la sienne.
Et envoia encore grans gens d’armes en Guise
et en Ribeumont, a Bohain et aux forteresces
voisines sus l’entree du royaume pour les garder
des ennemiz et descendi devers Peronne en Ver
mendois a grant foison de gens d’armes, de
ducs, de contes et de barons avec lui et toudiz
lui croissoient gens de tous léz et se logoient
sus celle belle riviere de Some entre Saint
Quentin et Peronne.
SHF 1-80 sync Endementiers que le roy englois se
tenoit en l’abbaie de Mont Saint Martin
ses gens couroient tout le paÿs de la environ
jusques a Bapaumes et bien pres de Peronne
et de Saint Quentin, si trouvoient le paÿs
plain et gras et pourveu de tous biens car
ilz n’avoient onques mais eu point de guerre.
Or avint ainsi que messire Henry de Flandres
en sa nouvelle chevalerie et pour son corps
avancier et croistre en honneur se mist un
jour en la compaignie et cueillete de pluseurs
chevaliers, desquelx messire Jehan de Hainau
estoit chief. Et la estoient le sire de Faukemont,
le sire de Bergues, le sire de Baudresen, le sire
de Kuk et pluseurs autres, tant qu’ilz estoient
bien VC combatans. Et avoient avisé une ville
asséz pres de la, que on appelle Honnecourt
ou la plus grant partie des gens du paÿs
estoient sus la fiance de la forteresce et y
avoient mis tous leurs biens. Et ja y avoient
esté mesire Ernoul de Kakehery et messire
Guillaume de Duvort et leurs routes, mais riens
n’y avoient fait dont ainsi que per esramie
tous ces seigneurs s’estoient cueilliz en grant
desir de la venir et de faire leur pouoir du
conquerre. A ce dont avoit dedens Honnocourt
un abbé de grant sens et de hardie emprise
et estoit moult hardis et vaillans homs aux
armes et bien apparut. Car il fist au dehors
de la porte de Honnocourt faire et charpenter
en grant haste unes bailles et mettre et
assir au travers de la rue et y pouoit entre
l’un banc et l’autre avoir environ demy pié
de creus et d’ouverture. Et puis fist armer
ses gens et chascun aler aux guarites pourveuz
de pierres de chaux et de telle artillerie qu’il
appartient pour les garder. Et sitost comme
ces seigneurs dessus nomméz vindrent a pb 31 v