se mettoient en bataille pour
venir sur eulx. Quant ces gen
tilzhommes en virent le couve
nant si dirent : "Il nous fault
par force de chevaux rompre
ces Flamens, ou nous serons
atrappéz." Adont se mistrent
tous ensemble, et abaissierent
leurs lances et espees roides
de Bordeaux, et esperonnerent
les chevaux de grant randon
et mistrent devant les plus
fors montéz et commencierent
a huer. Ces Flamens se ouvri
rent et distrent les aucuns
qu’ilz ne les oserent attendre
et les autres dient qu’ilz le
firent par malice car ilz sa
voient bien que le pont ne
les pourroit porter, et disoient
entre eulx les Flamens : "Faisons
leur voie. Vous verréz ja beau
jeu." Le Hase de Flandres et
les autres fierent chevaux
des esperons sur ce pont, qui
n’estoit pas fort, pour porter
si grant fais. Toutesfois le
Hase et environ XXX chevaux
orent l’aventure de passer
oultre, mais quant les autres
vouloient passer le pont
rompi dessoubz eulx. La ot
de chevaux enrachiés qui ne
se porent avoir. Ains y furent
mort et leurs maistres. Quant
ceulx qui estoient derriere
virent ce meschief, ilz furent
esbahis, et ne sçorent ou fuir pb 326 r