The Online Froissart

Facsimile mode Settings Browse | Collate

pb 32 v

environ eulx. Si chevaucierent les Alemans
celle part et y survint mesire Ernoul
de Kakehen et sa route et assaillirent ceulz
de Louvion, qui y boys s’estoient boutéz, les
quelz se defendirent ce qu’ilz porent mais
ce ne fu mie granment. Car ilz ne tindrent
point de convoy et ne porent durer lon
guement contre tant de bonnes gens
d’armes si furent ouvers et leur fort
conquiz et miz en chace si en ot bien mors
et navréz XL et perdirent tout ce que la
porté avoient. Ainsi estoit et fu ce paÿs
de Tierasse adont courus et sans deport
et en faisoient les Englois leur voulenté.
Si se party le roy Edouart de Farvakes,
ou il s’estoit logiés, et vint a Monstruel
et la se loga un soir et l’endemain il vint
a tout son ost logier a La Flamenguerie
et fist toutes ses gens logier environ
lui, ou il avoit plus de XLM hommes
et ot conseil qu’il attendroit la le roy
Phelippe et son pouoir et se combatroit a
lui comment qu’il fust.
SHF 1-83 sync Le roy de France, qui estoit partiz
de Saint Quentin a tout son plus
grant effort et toudiz lui croissoient
gens et venoient de toutes pars, si
exploita tant le dit roy et tout son ost
qu’ilz vindrent a Buironfosse et la se
aresta le dit roy et commanda a toutes
gens logier et aresta et dist qu’il n’iroit
plus avant si aroit combatu le roy englois
et tous ses aliés puisqu’il estoit a deux
lieues pres. Sitrestost que le conte Guillaume
de Haynau, qui se tenoit au Quesnoy tout
pourveu de gens d’armes, pot savoir que
le roy de France son oncle estoit logiés et
arrestéz a Buironfosse en espoir de combatre
les Englois, il se party du Quesnoy a plus
de VC lances et chevauça tant qu’il vint
en l’ost du roy de France et se representa
au dit roy son oncle, qui ne lui fist mie si
liee chiere que le conte voulsist pour la
cause de ce qu’il avoit esté devant Cambray
avec son adversaire le roy englois et
forment apovri et couru Cambresis.
Nonpourquant le conte s’en porta asséz
bellement et s’escusa si sagement au
roy son oncle que le roy et tous ses con

sauls pour celle fois s’en contenterent
asséz bien et fu ordonné des mareschaux,
le mareschal Bertram et le mareschal
de Trye, a soy logier plus pres des Englois.
SHF 1-84 sync Comment les roys de France et d’Engleterre
prindrent journee a combatre.
Or sont ces deux roys de France
et d’Engleterre logiés entre
Buironfosse et La Flamenguerie en
plain paÿs sans nul avantage et ont
grant desir, si comme ilz moustrent
que d’eulx combatre. Si vous dy pour
certain que on ne vit onques si belle
assemblee de grans seigneurs qu’il y
ot la. Car le roy de France y estoit lui
IIIIe de roys. Premierement avec lui
estoient le roy Charles de Behaingne, le
roy de Navarre et le roy d’Escoce. Aussi
de ducs, de contes, de barons et de chevaliers
tant que sans nombre et toudiz lui crois
soient gens de tous lés. Quant le roy
englois fu arrestéz en La Cappelle en
Tierasse, ainsi que vous avéz oy, et il sçot
de verité que le roy son adversaire estoit
a II petites lieues pres de lui et en
grant voulenté de combatre, si mist les
seigneurs de son ost ensemble, premiere
ment le duc de Braibant son cousin,
le duc de Guerle, le conte de Julliers, le
marquiz de Blanquebourch, le conte
des Mons, mesire Jehan de Haynaut,
monseigneur Robert d’Artois et tous les pre
las et barons d’Engleterre qui avec lui
estoient et a qui il touchoit bien la
besoingne. Et leur demanda comment
a son honneur ilz se pourroient main
tenir car c’estoit son entention que de
combatre puisqu’il sentoit ses enne
mis si pres de lui. Adont regarderent
les seigneurs l’un l’autre et prierent
au duc de Braibant qu’il en voulsist
dire son entente. Et le duc en respondy
que c’estoit bien son accort que du
combatre car autrement a leur hon
neur ilz ne s’en pouoient partir et
conseilla adont que on envoiast
herauls devers le roy de France pour
demander et accepter la journee de la
bataille. Adont en fu chargié ung herautpb 33 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.