The Online Froissart

Facsimile mode Settings Browse | Collate

pb 33 v

le conte des Mons, le conte de Saumes, le
sire de Fauquemont, mesire Guillaume du Fort,
mesire Ernoul de Bakehen et les Alemans
la premiere bataille. Et avoit en ceste pre
miere route XXII banieres et LX pennons
et estoient bien VIIIM hommes de bonne
estoffe. La seconde bataille avoit le duc de
Braibant, si estoient avec lui tous les barons
et les chevaliers de son paÿs. Premierement
le sire de Kulz, le sire de Bergues, le sire de
Bredas, le sire de Rochelar, le sire de Vauselare,
le sire de Borgneval, le sire de Scouvenort,
le sire de Witem, le sire d’Asko, le sire de
Boukehort, le sire de Casebeke, le sire de Dufle,
mesire Thierry de Walecourt, mesire Rasse de
Grés, mesire Jehan de Casebeke, mesire Jehan
Pilifre, mesire Gilles de Coterebbe, mesire Gautier
de Hotebergue, les III freres de Harlebeke
et mesire Henry de Flandres, qui fait bien a
ramentevoir car il y estoit en grant estoffe.
Et pluseurs autres barons et chevaliers
et aucuns de Flandres qui s’estoient miz
dessoubz la baniere du duc de Braibant
telz que le sire de Halluin, mesire Hector
Villains, mesire Jehan de Rodes, le sire de
Grutus, mesire Wauflart de Guistelles, mesire
Guillaume de Strates, mesire Gossuin de la Muelle
et pluseurs autres. Si avoit le duc de
Braibant jusques a XXIIII banieres et
IIIIXX pennons. Si estoient bien VIIM combatans
toutes gens de bonne estoffe. La tierce ba
taille et la plus grosse avoit le roy d’Engleterre
et grant foison de bonnes gens de son paÿs
deléz lui. Et premiers son cousin le conte Henry
d’Erby, filz a monseigneur Henry de Lencastre au
Tort Col, l’evesque de Lincolle, l’evesque de
Durem, le conte de Salebrin, le conte de Nor
hantonne et de Cloecestre, le conte de Sufforch,
le conte de Kenfort, mesire Robert d’Artois,
qui s’appelloit conte de Richemont, mesire
Regnaut de Gobehen, le sire de Persy, le sire
de Ros, le sire de Montbray, mesire Loÿs et
mesire Jehan de Biaucamp, le sire de Ware,
le sire de Lantonne, le sire de Basset, le sire
de Filblacier, mesire Gautier de Mauny, mesire
Hue de Hastingues, mesire Jehan de Lille et
pluseurs autres que je ne puis mie tous nommer.
Et fist la le roy englois pluseurs chevaliers
nouvaux, entre lesquelx il fist monseigneur

Jehan Chandos, qui depuis de proesce et
de chevalerie fu plus recommandé que
nul chevalier de son temps, si comme vous orréz
avant en ceste histoire. Si avoit le roy
XXVIII banieres et environ IIIIXX X pen
nons, et pouoient estre en sa bataille
environ VIM hommes d’armes et VIM ar
chiers. Et avoient mis une autre bataille
sus elle dont le conte de Warvich et le
conte de Pennebroc, le sire de Bercler, le
sire de Milleton et pluseurs autres bons
chevaliers estoient chiefs. Si se tenoient
ceulx a cheval pour reconforter les
batailles qui branleroient et estoient
en celle arrieregarde.
SHF 1-87 sync Quant tous les Englois, les Alemans,
les Brebançons et tous les aliés
furent ordonnéz, si comme vous avéz oy,
et chascun sire miz et arrestéz desoubz
sa baniere ainsi que commandé fu de
par les mareschaux, adont monta le
roy englois sus un petit palefroy moult
bien amblant acompaignié seulement
de mesire Robert d’Artois, de monseigneur Renaut
de Gobehen et de monseigneur Gautier de Mauny
et chevauça devant toutes les batailles
et prioit moult doucement aux seigneurs
et aux compaignons qu’ilz vousissent aidier
a garder son honneur et chascun lui
avoit en couvent. Aprés ce, il s’en revint
en sa bataille et se mist en ordonnance
ainsi qu’il appartenoit et fist commander que
nul n’alast ne se meist devant les
banieres des mareschaux de l’ost.
L’ordonnance des grans assemblees de
plusieurs grans seigneurs a Buironfosse.

pb 34 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.