The Online Froissart

Facsimile mode Settings Browse | Collate

pb 342 r

Et demoura la chose en tel estat, re
conforté qu’ilz avoient la guerre.
Le roy de France et les seigneurs de
France rendoient grant paine a ce
que toute la conté de Flandres fust
Clementine, mais les bonnes villes
et les eglises estoient si fort liéz
en Urbain, avec l’oppinion de leur
seigneur le conte, que on ne les en
pouoit oster. Le roy de France tint
sa feste de Kalendes a Tournay,
et quant il s’en party il ordonna
le grant seigneur de Guistelles a
estre regart de Flandres, et messire
Jehan de Guistelles, son cousin, a
estre cappitaine de Bruges, et le
seigneur de Sempi capitaine d’Y
pre, messire Jehan de Jeumont
capitaine de Courtray, et environ
IIC lances de Bretons et d’autres
gens a Ardembourc en garnison.
En Audenarde envoia messire
Gillebert de l’Anvregien et environ
C lances. Si furent pourveus
pour guerroier l’iver de garni
sons et non autrement jusques
a l’esté. Ces choses ordonnees le
roy se parti de Tournay et vint
a Arras, et ses oncles et le conte
de Flandres en sa compaignie.

SHF 2M-352 sync Comment le roy de France se
IIIIXX XIIIIparty d’Arras et chemina de
vers Paris. Le IIIIXX XVe chapitre.
Le roy sejournant a Arras
fu la cité en grant aven
ture et la ville aussi, de estre
toute courue et pillee, car les
gens d’armes ausquelx on

devoit grant finance, et qui avoient
eu moult de traveil en ce voiage, se
contentoient mal du roy. A grant
paine les en refrenerent le connes
table et les deux mareschaux mais
on leur promist qu’ilz seroient tout
net paiés de leurs gaiges a Paris,
et de ce demourerent envers eulx
le connestable de France et le ma
reschal, messire Loÿs de Sancerre. Adont
se departy le roy et prist le chemin
de Perronne, et le conte de Flandres
prist la congié au roy et retourna
a Lisle et la se tint tout l’iver. Tant
exploita le roy de France qu’il passa
Peronne, Noion et Compiengne
et vint a Senlis, et la s’arresta, et
se logierent toutes manieres de
gens dedens les villages d’entre
Senlis et Meaulx en Brie, et tout
sur la riviere de Marne et sur la
riviere de Saine, et entre Senlis et
Saint Denis. Et estoit tout le paÿs
raempli de gens d’armes. Adont se
departy le roy de Senlis et s’en vint
devers Paris, et y envoia devant
aucuns de ses officiers pour appareillier
l’ostel du Louvre ou il vouloit descendre.
Et aussi ses oncles y envoierent de
leurs gens pour appareillier leurs
hostelz, Berry, Bourgoingne et Bourbon.
Et les autres hauls seigneurs de
France tout enssi et tout en cautelle,
car le roy ne les seigneurs n’estoient
point conseillié de y entrer si soudai
nement en Paris, car ilz se doubtoient
des Parisiens. Et pour veoir quelle
contenance les Parisiens feroient pb 342 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.