The Online Froissart

Facsimile mode Settings Browse | Collate

pb 350 r

appareillié en ses affaires. Tous
seigneurs approchoient loingtains
et prochains, et vint le conte de
Savoie et le conte de Genevre a
bien VIIC lances de purs Savoiens.
Le duc Fedric de Baviere s’avalla
aval a belles gens d’armes et vint
en Haynau, et se tint a Quesnoy
deléz son oncle le duc Aubert. Le
duc de Lorraine et le duc de Bar
atout grant route s’en vindrent
logier en Artois. Messire Guillaume
de Namur qui point n’avoit esté
en ces guerres devant nommees,
car le conte l’en avoit deporté
s’en vint servir le roy et le duc
de Bourgoingne a IIC lances
de tresbonnes gens d’armes, et
passerent parmy Henault et
s’en vindrent logier en Tournesis.
Seigneurs venoient de tous costéz
si efforciement et de si grant
voulenté pour servir le roy de
France que merveilles estoit a
considerer. Le conte Guy de Blois
avoit en ces mandemens faisans
geu malade de hachies en Landrechies,
et combien qu’il ne savoit s’il pour
roit chevaucier en ceste armee, si
fist il ses pourveances grandes
et grosses et aussi firent les gens
de sa conté, et se fist porter en une
litiere jusques a Beaumont.
SHF 2M-383 sync Comment les Englois et les
Gantois laissierent le siege de
devant Ypre. Le C IXe chapitre.
Nouvelles vindrent au siege
devant Ypre a l’evesque de
Nordvich, aux Englois et Gantois

qui la tenoient siege, que le roy
de France venoit sur eulx a plus
de XXM hommes d’armes, chevaliers
et escuiers, et bien LXM autres gens.
Lors orent conseil qu’ilz ne

se ve
oient pas fort ne puissant pour
attendre le roy de France, et distrent
que c’estoit bon que Pietre du Bois
et Pietre le Mutre et les Gantois
s’en retournassent en leur ville
de Gand, et les Englois retourn
eroient vers Bergues et Bourbourc
et se mettroient en leurs garni
sons. Et se puissance leur venoit
d’Engleterre, que le roy Richart
passast la mer, ou ses oncles, ilz
aroient avis. Ainsi ceulx de
Gand se deslogierent et rentrerent
en leur ville, et les Englois se
retrairent vers Bergues et vers
Bourbourc et se bouterent dedens
les forteresses qu’ilz avoient
par avant conquis. Ce propre
jour que les Gantois retourne
rent a Gand y descendy messire
Henry de Persi, filz au conte de
Northombrelant, qui venoit de
Prusse. SHF 2M-384 sync Le roy de France se party
d’Arras et s’en vint logier au Mont
de Saint Eloy. La attendy IIII jours
la venue de son oncle le duc de
Berry. Et tousjours aplouvoient
seigneurs de tous costéz, et fu
sceu par le connestable et les
mareschaulx et messire Guichart
Dauphin, maistre des arbalestiers,
que le roy avoit plus de CM
hommes et bien IIIC mile chevaux.
Si puet on grandement esmerveillier pb 350 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.