The Online Froissart

Facsimile mode Settings Browse | Collate

pb 3 r

de enorter le roy de mal faire. Car quant il
apparçut qu’il estoit mal de la royne et
du conte de Kain il mist si grant descort
entre le roy et la royne par son malice que
le roy ne vouloit point veoir la royne ne
venir ou lieu ou elle fust, et dura ce descort
asséz longuement. Et adont fu qui dist a la
royne et au conte de Kain tout secretement
pour les perilz esloingnier ou ilz estoient
qu’il leur pourroit bien mesavenir prou
chainement s’ilz ne se gardoient. Car le dit
messire Hue leur pourchaçoit grant destourbier.
Lors quant la royne et le conte de Kain oirent
ces nouvelles, si se doubterent, car ilz sen
toient le roy hastif et de diverse maniere
et leur ennemy si bien de lui comme il vou
loit, si s’avisa la dame qu’elle se partiroit
tout coiement et vuideroit le royaume
d’Engleterre et s’en venroit en France veoir
le roy Charles son frere qui encore vivoit
et lui compteroit ces mescheances et en
menroit son joenne filz Edouart avec lui
veoir le roy son oncle. Ainsi la royne se
pourvea sagement et bellement et prist
voie de venir en pelerinage a Saint Thomas
en Cantorbiere et elle s’en vint a Vuuincesee
et la de nuit entra en une nef appareillee
pour lui et son filz et le conte Aymon de
Kain et messire Rogier de Mortemer et en
une autre nef ilz mistrent leurs pourve
ances et orent vent a souhait et furent
l’endemain devant prime ou havene de
Bouloingne. SHF 1A-6 sync Comment la royne vint a Paris.
Quant la royne Ysabel fu arrivee a
Bouloingne, ainsi comme vous oéz,
et son filz et le conte de Kain, son serourge,
le cappitaine de la ville et les bourgois
et les abbéz vindrent contre lui et la re
cueillirent moult liement et l’enmenereent
en la ville et la logierent en l’abbaie et
toute sa route et y fu II jours. Au tiers
jour elle s’en party et se mist a voie et
tant chemina par ses journees qu’elle
s’en vint a Paris. Le roy Charles son frere,
qui estoit enfourmé de sa venue, envoia
contre lui des plus grans de son royaume
qui adont estoient deléz lui, monseigneur Robert
d’Artois, monseigneur de Coucy, monseigneur de Sully,
le seigneur de Roye et pluseurs autres

qui honnorablement l’amenerent en la
cité de Paris et devers le roy de France.
Quant le roy vit sa suer que grant
temps ot qu’il ne l’avoit veue et elle
deut entrer en sa chambre, il vint contre lui
et la prist par la main et la baisa et dist : "A
bien viengne ma belle suer et mon beau nep
veu." Lors les prist tous deux et les mena
avant. La dame, qui pas n’avoit trop grant
joye fors de ce qu’elle se trouvoit deléz le roy
son frere, s’estoit ja voulue engenouillier
par trois fois ou par quatre aux piés du
roy son frere, mais le roy ne la laissoit et
la tenoit toudiz par la main droite et lui
demandoit moult doulcement de son estat et
de son affaire. Et la dame l’en respondoit
tres sagement et tant furent les paroles
qu’elle lui dist : "Monseigneur, ce nous va a moy et a
mon filz asséz petitement car le roy d’Engleterre
mon mary m’a priz en trop grant hayne
et si ne scet pourquoy et tout par l’enortement
d’un chevalier qui s’appelle Hue le Despensier.
Cil chevalier a telement atrait mon seigneur a soy
et a sa voulenté que tout ce qu’il veult dire
et faire il est fait. Et ja ont comparé pluseurs
hauls barons d’Engleterre et seigneurs sa
mauvaistie. Car il en fist en un jour prendre
et par le commandement du roy sans droit
et sans cause, decoler jusqu’a XXII et par
especial le bon conte de Lencastre, Thomas,
de quoy, monseigneur, ce fu trop grant dommage
car il estoit preudomme et loyal et plain
de bon conseil et n’est nul en Engleterre tant
soit noble ne de grant affaire qui l’ost cour
roucier ne desdire de tout ce qu’il veult faire.
Avec tout ce il me fu dit en grant especialité
d’un homme qui cuide asséz savoir des con
sauls et des traitiés le roy mon mary et
de ce dit Hue le Despensier, que on avoit
grant envie sur moy et que se je demoroie
ou paÿs gueres de temps, le roy par malvaise
et faulse information me feroit mourir
ou languir a honte si ne l’ay je pas deservi
ne ne vouldroie nullement faire. Car onques
envers lui je ne pensay ne ne fis chose qui
feist a reprendre. Et quant je oÿ ces dures
nouvelles et si perilleuses sur moy et sans
raison, je m’avisay pour le mieux que je me
partiroie d’Engleterre et vous venroie veoir pb 3 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.