The Online Froissart

Facsimile mode Settings Browse | Collate

pb 3 v

et remoustrer feablement comme a monseigneur et
beau frere l’aventure et le peril ou j’ay esté.
Aussi le conte de Kain que la veéz, qui est frere
du roy mon mary, qui est en autel party de
hayne comme je sui et tout par l’esmouvement
et fauls enortement de ce Huon le Despensier.
Si m’en sui cy afuie comme femme esgaree et
desconseillee devers vous pour avoir conseil
et confort de ces besoingnes car se Dieux pre
mierement et vous n’y remediéz je ne me
sçay vers qui traire." SHF 1A-7 sync Le confort que la royne ot en France.
Quant le noble roy Charles de France
ot oy sa suer ainsi lamenter et qui
de cuer et en plorant lui remoustroit sa besoigne
et pourquoy elle estoit venue en France si en ot
grant pitié et lui dist : "Ma belle suer, apaisiés
vous et vous confortéz car foy que je doy a
Dieu et a monseigneur saint Denis je y pourverray
de remede." Adont la dame s’agenoilla, vousist
ou non le roy, tout bas a terre et lui dist : "Mon
treschier seigneur et beau frere, Dieu vous
en vueille oir." Lors la prist le roy entre ses
bras et la mena en une autre chambre plus
avant qui estoit toute paree et ordonnee pour
lui et pour le joenne Edouart, son filz, et la la
laissa. Ainsi fu la noble royne d’Engleterre
conjoie et bien venue a ce premier du roy Charles
de France son frere et lui fist delivrer le roy par
la Chambre aux deniers tout ce qui a la royne
besoingnoit pour lui et pour son filz.
Depuis ne demoura gueres que sur cel
estat que vous avéz oy, Charles, le roy
de France, assembla pluseurs grans seigneurs
et barons du royaume de France pour avoir
conseil et bon avis comment il ordonneroit de
la besoingne la royne sa suer a qui il avoit
promiz confort et aide et tenir lui vouloit.
Dont fu ainsi conseillié au roy et pour le
mieux qu’il laissast madame sa suer acquerre
et pourchacier amis et confortans ou regne
et se fainsist de ceste emprise. Car de esmouvoir
guerre au roy d’Engleterre et de mettre son
paÿs en hayne, ce n’estoit pas chose appartenant
mais couvertement et secretement l’aidast
et confortast tant d’or comme d’argent car c’est
le metal par quoy l’en acquiert l’amour des
gentilzhommes et des povres bachelers. A
ce conseil et avis s’acorda le roy et le fist dire
ainsi tout coiement a la royne d’Engleterre,

sa suer, par monseigneur Robert d’Artois, qui lors
estoit l’un des plus grans de France. Sur ce la
bonne dame toute resjoie et confortee persevera
et se pourvey d’acquerre amis parmy le royau
me de France. Les aucuns prioit, les autres
promettoit ou donnoit tant qu’il y ot de moult
grans seigneurs et de joennes chevaliers et
escuiers qui tout lui accorderent confort et
aliance pour lui ramener en Engleterre
et de force. Du confort qu’elle ot d’Engleterre.
Or vous parlerons de messire Hue un
petit et asséz tost retournerons et
revenrons a la royne. Quant cil messire
Hue vit qu’il avoit fait grant partie de ses
voulentéz, mis a destruction les plus grans
barons d’Engleterre, la royne et son ainsné
filz dechacies de son royaume et qu’il avoit
le roy si atrait a sa voulenté que le roy ne lui
contredisoit nulle chose que il voulsist dire
ne faire, il qui perseveroit en sa mauvaistie
fist depuis tant de bonnes gens justicier et
mettre a mort sans loy et sans jugement
par tant qu’il les tenoit pour suspets encontre
lui et fist tant de merveilles par son orgueil
que les barons qui demouroient et le reme
nant du paÿs ne le porent plus porter. Ains
quistrent et acquistrent les aucuns entre
eulx accort paisiblement et firent secrete
ment savoir a la royne leur dame dessus
dicte qui avoit ja demouré a Paris par l’espace
de III ans comme eschaciee et banie du regne
si comme vous avéz oy, se elle pouoit trouver
voie ou sens par quoy elle peust avoir aucune
compaignie de gens d’armes de mil armeures
de fer ou la environ et elle voulsist ramener
son filz ou royaume d’Engleterre, eulz se
trairoient tantost vers lui et obeiroient
a lui comme a leur dame et a son filz comme
a leur seigneur car ilz ne pouoient plus
porter les desrois et les fais que le roy faisoit
par le conseil du dit messire Hue. Ces lettres
et ces nouvelles secretes envoiees d’Engleterre
la royne les moustra et dist au roy Charles,
son frere, lequel l’en respondy adont tout
joieusement : "Ma belle suer, Dieux y ait
part de tant valent voz besoingnes mieux.
Or l’emprenéz hardiement et pryés de
mes hommes jusques a la somme que voz
aidans d’Engleterre vous ont signifié, je pb 4 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.