ordonnance la plus grant partie du jour.
Car il cuidoit que ceulz de Valenciennes
deussent vuidier et lui venir combatre.
Aussi fussent ilz tresvoulentiers mais
monseigneur Henry d’Antoing, qui la ville avoit
a garder leur deveoit et estoit a la Porte
Cambrisienne moult ensonniéz et en grant
paine d’eulx destourner de non vuidier
et le prevost de la ville pour le temps avec
lui, Jehan de Bassi, qui les affrenoit ce qu’il
pouoit et leur remoustra adont tant de
belles raisons qu’ilz s’en souffrirent.
SHF 1-105 sync Quant le duc de Normandie et ses batailles,
qui tresbelles estoient a regarder, se
furent tenuz un grant temps sur le mont
de Castres et ilz virent que nul n’istroit
de Valenciennes pour eulx combatre. A
dont furent envoiéz le duc d’Athenes et les
II mareschaux de France et le conte d’Au
çoirre et le sire de Chastillon et bien IIIC lances
bien montéz pour courir jusques a Valen
ciennes. Ceulx chevaucierent en tresbonne
ordonnance et vindrent au léz vers la
Tourelle a Goguel et chevaucierent moult
arreement jusques aux bailles de la ville
mais ilz n’y demourerent mie plenté car
ilz redoubterent le trait pour leurs chevaux.
Et touteffois le sire de Chastillon chevauça
si avant que son coursier fu feru et chey
desoubz lui et le couvint monter sur un
autre. Ceste chevauciee prist son tour
devers les Marliz et les ardirent et aba
tirent tous les moulins qui la estoient
sur la riviere de Wintiel et puis pristrent
leur tour par derriere les Chartreux et revin
drent a leur bataille. Or vous dy qu’il
estoient demouréz derriere aucuns compai
gnons françois en la ville de Marlis pour
mieux fourer a leur aise. Dont il avint
que ceulx qui gardoient une tour qui
la est aux hoirs de Haynau et fu jadis a
monseigneur Robert de Namur depar madame
Ysabel de Hainau sa femme. Apparceurent
ces François qui la estoient et si virent
bien que la grosse chevaucee estoit re
traite si yssirent baudement hors et les
assaillirent de grant courage et en tuerent
bien la moitié et leur tollirent tout leur
pillage et puis retournerent en leur tour.