The Online Froissart

Facsimile mode Settings Browse | Collate

pb 43 r

chaut ansi qu’en plain esté. Et furent plus
constraint par cel estat que par autre chose.
Finablement ilz regarderent entr’eulx que
celle mesaise ilz ne pouoient longuement
souffrir tant estoit la punaisie abhominable
si orent conseil de traittier unes treves
a durer XV jours. Et la endedens signefier
leur povreté a mesire Jehan de Hainau qui
estoit gardien de tout leur paÿs. Adfin qu’ilz
en fussent confortéz et se ilz ne l’estoient
ilz rendroient la forteresce au dit duc de
Normandie. Lequel duc leur ottroia ceste
treuve. Et ilz envoierent tantost Ostelart
de Sommaing a Mons en Hainau ou il trouva
le seigneur de Biaumont qui avoit oy
nouvelles de son nepveu le conte de Henau,
qui revenoit en son paÿs et avoit esté
devers l’empereur et fait aliances a lui et
aussi aux seigneurs de l’Empire, le duc
de Guerles, le conte de Jullers, le marquis
de Blanquebourc et tous les autres. Si
enforma le seigneur de Biaumont le dit
escuier Ostelart de Sommaing et lui dist bien
que ceulz de Thun l’Evesque seroient tem
prement confortéz mais que son nepveu
feust revenu ou paÿs.
SHF 1-109 sync La treve durant qui fu prise entre le
duc de Normandie et les soudoiers
de Thun, si comme vous avéz oy, revint le
conte de Hainau en son paÿs dont tous
ses gens furent moult resjoiz. Si lui
recorda le sire de Biaumont comment les
choses avoient alees depuis son departement.
Le conte respondy que le royaume de
France estoit grant asséz pour avoir satif
fation de toutes les forfaitures que les
François lui avoient faites. Mais briefment
il fist ses mandemens et ses prieres en
Braibant, en Guerles, en Julers, en Alemaigne
et aussi en Flandres devers son bon amy
Artevelle. Et s’en vint le dit conte en Valen
ciennes a grant foison de gens d’armes,
chevaliers et escuiers de son paÿs et des paÿs
dessus nomméz et toudiz lui croissoient
gens si se parti de Valenciennes en grant
arroy de gens d’armes, de charroy, de trefs,
de tentes, de pavillons et de toutes autres

pourveances et s’en vint logier. Et s’en vint
logier a Nave sur ces beaux plains et ces
grans prés tout contreval la riviere d’Escaut.
La estoient des seigneurs de Haynau avec
le dit conte et en bon arroy. Premierement
mesire Jehan de Haynau, son oncle, le sire d’En
ghien, le sire de Werchin, seneschal de Hainau,
le sire d’Antoing, le sire de Ligne, le sire de
Barbençon, le sire de Lens, mesire Guillaume, le sire
de Havrech, chastellain de Mons, le sire de
Montegni, le sire de Barbais, mesire Thierry
de Walecourt, mareschal de Henaut, le
sire de la Hamaide, le sire de Gommegnies,
le sire de Roisin, le sire de Trasegnies, le
sire de Brifueil, le sire de Lalain, le sire de
Mastin, le sire de Sars, le sire de Wargny,
le sire de Beaurieu et pluseurs autres chevaliers et
escuiers qui tous se logierent emprés leur
seigneur. Asséz tost aprés y revint le
joenne conte Guillaume de Namur moult
estoffeement a CC lances. Et se loga aussi
sus la riviere d’Escaut en l’ost du conte.
Et puis revindrent le duc de Braibant a
bien VIC lances, le duc de Guerles, le conte
des Mons, le sire de Fauquemont, mesire
Ernoul de Kakehen et grant foison d’autres
seigneurs et gens d’armes d’Alemaigne et
de Witephale. Si se logierent tous les
uns aprés les autres sus la riviere de
l’Escaut a l’encontre de l’ost françoise et
estoient plentiveusement pourveus de
vivres qui leur venoient tous les jours
de Valenciennes et du paÿs de Haynau
voisin a eulx.
SHF 1-110 sync Quant ces seigneurs se furent ainsi
logiés entre Nave et Ywis, le duc
Jehan de Normandie, qui estoit d’autre part
la riviere avec lui moult belles gens
d’armes vit que l’ost du conte de Haynau
croissoit durement. Si signifia tout l’estat
au roy de France son pere qui se tenoit a
Peronne en Vermendois ou il avoit esté
par VI sepmaines a grans gens. Lors fist
le roy derechief une semonce tresespeciale
et envoia jusques a XIIC lances de bonnes
gens d’armes en l’ost son filz. Et asséz tost
aprés il y vint comme soudoier au duc son pb 43 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.