The Online Froissart

Facsimile mode Settings Browse | Collate

pb 45 r

car moult le desiroient a combatre. Lors
mistrent leurs vaisseaux en bon estat car
ilz estoient sages de mer et bons combatans.
Et ordonnierent Christofle, leur grant vaissel
que conquiz avoient sur les Englois celle
meisme annee, tout devant et grant foison
de trompes et de trompettes et de pluseurs
autres instrumens et s’en vindrent requerre
leurs ennemiz. La se commença la bataille
dure et aspre de tous costéz et archiers et
arbalestiers commencierent a traire l’un contre
l’autre diversement et roidement et gens
d’armes a approuchier et a combatre main
a main forment et hardiement. Et adfin
qu’ilz peussent mieux avenir les uns aux
autres, ilz avoient grans cros et havéz de
fer tenans a chaiennes, si les getoient es
nefs l’un de l’autre et les atachoient ensemble
afin qu’ilz se peussent mieux aherdre et
plus fierement combatre. La ot une tres
dure et tresforte bataille et mainte apertise
d’armes faite mainte livre et mainte prise
et mainte rescousse. La fu Christofle ce grant
vaisseau auques du commencement reconquiz
des Englois et tous ceulx mors et periz qui
le gardoient et defendoient et adont y ot
grant huee et grant noise. Et aprochierent
durement les Englois et repourveirent in
continent Christofle ce bel et grant vaissel de
puis archiers qu’ilz firent passer tout
devant et combatre aux Genevois.
SHF 1-115 sync Ceste bataille dont je vous parle fu
moult felonnesse et treshorrible car
bataille et assaut sur mer sont plus fors
et plus durs que sur terre. Car le ne puet
on reculer ne fuir mais se fault vendre et
combatre et attendre l’aventure et chascun
endroit de lui moustrer son hardement et
sa proesce. Bien est voir que mesire Hue Kieré
estoit bon chevalier et hardy et aussi mesire Pierre
Bahuce et Barbenaire, qui du temps passé
avoit fait maint meschief sur mer et miz
a fin maint Englois. Si dura la bataillle
et la pestilence de l’eure de prime jusques
a haulte nonne. Si pouéz bien croire que
ce terme durant il y ot mainte appertise
d’armes faite. Et convint la aux Englois
souffrir et endurer grant paine. Car leurs

ennemiz estoient quatre contre un et tous
gens de fait et de mer de quoy les Englois
pour tant qu’il besoingnoit se prenoient
moult pres de bien faire. La fu le roy englois
de sa main tresbon chevalier car il estoit adont en
la fleur de sa joennesce. Et aussi furent le
conte d’Erbi, le conte de Pennebrot, le conte de
Herfort, le conte de Hostidonne, le conte de
Norhantonne et de Cloecestre, mesire Regnaut
de Gobehen, monseigneur Richart de Stanfort, le sire
de Persi, mesire Gautier de Mauny, mesire
Henry de Flandres, mesire Henry de Biaucamp,
le sire de Felleton, le sire de Brasseton, messire
Jehan Chandos, le sire de Ware, le sire de
Muleton et messire Robert d’Artois, qui s’appelloit
le conte de Richemont et estoit deléz le roy
en grant arroy et ne bonne estoffe et pluseurs
autres barons et chevaliers plains d’onneur et
de prouesce, desquelx je ne puis mie de tous
parler ne leurs bienfais ramentevoir.
Mais ilz si esprouverent si bien et si vassau
ment parmy un secours de Bruges et du
paÿs voisin qui leur vint qu’ilz obtindrent
la place et l’eaue. Et furent les Normans
et tous ceulx qui la estoient encontre
eulx mors et desconfiz periz et noyéz ne
onques pié n’eschappa que tous ne fusent
miz a bort. Ceste aventure fu moult
tost sceue parmy Flandres et puis en
Haynau et en vindrent les certainnes
nouvelles es deux ostz devant Thun l’Evesque,
si en furent Henuiers, Flamens et Brebançons
moult resjoiz et les François tous courrouciés.
SHF 1-116 sync Comment Jaques d’Artevelle prescha a
Valenchiennes en Henaut. Quant
ceste victoire ainsi que dessus est
dicte fu avenue au roy englois, il demora
toute ceste nuit qui fu la vigille Saint
Jehan Baptiste sus mer en ses navies devant
l’Escluse en grant bruit et en grant noise
de trompes et de nakaires et de toutes ma
nieres de menestraudies. Et la le vindrent
veoir ceulx de Flandres qui estoient enfor
méz de sa venue si demanda le dit roy nou
velles aux bourgois de Bruges de Jaques
d’Artevelle. Et ceulx respondirent qu’il
estoit a une semonse du conte de Haynau
contre le duc de Normandie et plus de LXM pb 45 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.